Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qarqaraly aýdanynda joǵalǵan adamdar tabyldy

2021 jyldyń 22 qyrkúıek 2021 12:21

QARQARALY. QazAqparat - Qarqaraly aýdanynda ormanǵa serýenge shyǵyp, adasyp ketken úsh adam tabyldy,dep habarlaıdy QazAqparat tilshisi.

21 qyrkúıek saǵat 22:55-te Qarqaraly aýdanynyń qutqarý qyzmetine Qarqaraly qalasynan ońtústik-batysqa qaraı 8 km jerdegi demalys aımaǵy mańynda úsh demalýyshynyń adasyp ketkendigi týraly habarlama kelip tústi.

Saǵat 18:00 shamasynda 1994, 1996 jáne 1997 jylǵy dostar ormanǵa serýenge shyǵyp, qaıtar joldan adasyp ketken. Keri joldy óz betinshe taba almaıtyndaryn túsinip, qutqarý qyzmetine qońyraý shalady. Qutqarý toby joǵalǵan adamdarmen telefon baılanysyn ustaı otyryp, olardyń shamamen ornalasqan jerin anyqtady.

«Іzdeýge TJD qutqarýshylary, polıtsııa jáne jergilikti atqarýshy organdardyń qyzmetkerleri qatysty.

Saǵat tańǵy 05:00-de izdeý toby joǵalǵan adamdardy demalys aımaǵynan soltústik-batysqa qaraı 10 km qashyqtyqtan taýyp, Qarqaraly qalasyna jetkizdi. Medıtsınalyq kómek qajet bolmady», - dep málimdedi Qaraǵandy oblysynyń TJD baspasóz qyzmeti.

Qutqarýshylar ormanǵa barar aldynda aýa-raıy boljamyn naqtylaý, uıaly telefondy zarıadtaý, dári-dármek alý, týystaryńyzǵa qaıda jáne qashan baratynyńyzdy habarlaý, olarmen baılanysta bolý qajet ekenin eske salady.


Joǵary qaraı