Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Káriz qudyǵyna nájis tókken assenızator júrgizýshisine aıyppul salyndy

2021 jyldyń 29 qarasha 2021 22:23

ALMATY. QazAqparat - Almatyda káriz qudyǵyna nájis tókken assenızator júrgizýshisi anyqtaldy, dep habarlaıdy QazAqparat tilshisi.

Quqyq buzýshylyq týraly aqparat qalanyń Alataý aýdanynyń turǵynynan «Almaty» telearnasyndaǵy Akımat Live baǵdarlamasynyń stýdııasyna kelip tústi.

«Aryzdanýshynyń málimetinshe, «Aqbulaq» yqshamaýdanynda assenızator kóliginiń júrgizýshileri nájisti káriz júıesine tókken. Bizdiń bólimsheniń tabıǵatty qorǵaý polıtsııa bóliminiń ınspektorlarymen qoldanystaǵy zańnamany buzǵany úshin QR ÁQbK-niń 505-baby (qalany abattandyrý erejelerin buzý) boıynsha 33 jastaǵy I.esimdi azamat anyqtaldy», – deıdi Alataý aýdandyq polıtsııa basqarmasynyń bastyǵy Іlııas Ómirserikov.

Júrgizýshige qatysty ákimshilik is qozǵaldy. Oǵan 20 AEK aıyppul túrindegi jaýapqa tartyldy.

«Esterińizge sala keteıik, assenızatorlyq kólikter jýyndy-shaıyndy sýdy arnaıy ruqsat etilgen aǵyn pýnktterine jiberýi kerek, onda jeliler shaıylyp, kólik dezınfektsııalanady. Biraq tájirıbe kórsetkendeı, qalalyq káriz júıesi men sý aıdyndaryna jýyndy-shaıyndy sýdy nemquraıly quıyp jatqan azamattar bar. Mundaı zań buzýshylyqtar ákimshilik jaýapkershilikke ákep soǵady», – dep túıindedi Alataý aýdandyq polıtsııa basqarmasynyń bastyǵy Іlııas Ómirserikov.



Illıýstratsııalyq foto: a3169.clouditp.ru

Avtor Alma Muqanova
Basty sózder: Almaty, Ekologııa,
Joǵary qaraı