Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karateshi Nurqanat Ájiqanov Olımpıadaǵa lıtsenzııa jeńip aldy

2021 jyldyń 13 maýsym 2021 02:11

PARIJ. QazAqparat - Frantsııa astanasy Parıjde ótip jatqan karateden lıtsenzııalyq týrnırde qazaqstandyq Nurqanat Ájiqanov chempıon atanyp, Tokıo Olımpıadasyna joldama jeńip aldy, dep habarlaıdy QazAqparat.

QR Ulttyq Olımpıada komıtetiniń aqparatyna sáıkes, 75 kelige deıingi salmaqta synǵa túsken Nurqanat týrnırde barlyq qarsylasynan basym túsip, jeńimpaz atandy.

Jarys erejesi boıynsha týrnırde úzdik úshtikke engen karateshilerge Olımpıada joldamasy beriledi. Ájiqanovtyń salmaǵynda kúmis júldeni Germanııa, qolany Vengrııa sportshylary ıelendi.

Osylaısha, Nurqanat Ájiqanov karateden úshinshi joldamanyń ıegeri atandy. Buǵan deıin Darhan Asadilov pen Móldir Jańbyrbaı Tokıo oıyndaryna lıtsenzııa alǵan bolatyn.

Sondaı-aq Qazaqstan atynan synǵa túsken Sabına Zaharova tórtinshi oryn ıelenip, Olımpıadadan syrt qaldy.

Katadan baq synaǵan Mádı Qateshov 1/16 aınalymnan óte alǵan joq.

Aıta keteıik, Qazaqstan búginge deıin sporttyń 26 túrinen Olımpıadaǵa 70 joldama jeńip aldy.


Basty sózder: Sport, Qoǵam, Olımpıada,
Joǵary qaraı