Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qarasha aıynda qarly boran men kóktaıǵaq jıi bolady - Qazgıdromet

2020 jyldyń 20 qazan 2020 14:03

NUR-SULTAN. QazAqparat – Qazgıdromet qarasha aıyna arnalǵan aýa raıyna boljam jasady, dep habarlaıdy QazAqparat.

Qarasha aıynyń birinshi jartysynda respýblıkanyń soltústik bóliginde, shyǵysynda jáne ortalyǵynda qysqy aýa raıy boljanady.

«Qarasha aıynda jaýyn-shashyn (kóbinese qar), qarly boran, sondaı-aq kóktaıǵaq pen tuman jıi bolady. Aıdyń birinshi jartysynyń eń sýyq kúnderinde termometr baǵanasy túnde -10-23°C, kúndiz -2-10°C deıin tómendeıdi. Sýyq aýa massalary jylyǵa aýysqanda termometrlerdiń baǵanalary +5+12°S belgisine jetedi.Elimizdiń ońtústik bóliginde jaýyn-shashyn (jańbyr, jylbysqy qar) aıdyń ekinshi jartysynda kútiledi, taýly jerlerde erterek bolýy múmkin. Bul jaǵdaıda temperatýra fony túnde -5-12°S deıin, kúndiz -1+5°S deıin tómendeıdi», -delingen sınoptıkter boljamynda.

Sondaı-aq, Qazgıdromet mamandary eldiǵ soltúsindegi sýyq aýa raıy bolatynyn aıtty.

«Qazaqstannyń basym bóliginde aýa temperatýrasy norma shamasynda, eldiń soltústik-batys jartysynda – normadan 1°S joǵary, ońtústik, ońtústik-shyǵys jáne shyǵystyń taýly jáne taý bókterli aýdandarynda - normadan 1°S tómen bolady dep kútilýde.

Qazaqstannyń basym bóliginde jaýyn-shashyn mólsheri norma shamasynda, elimizdiń soltústik-shyǵys jartysynda jáne ońtústik-shyǵys aımaqtarynyń taýly, taý bókterindegi aýdandarynda normadan kóp, respýblıkanyń ońtústik-batys jartysynda normadan az bolady», - dedi Qazgıdromet..

Qarasha aıynda qar jamylǵysy paıda bolady jáne qalyptasady. Kópjyldyq málimetterge sáıkes, qar jamylǵysy qalyptasýynyń ortasha kúni:

soltústik jáne shyǵys aımaqtarda - qarasha aıynyń ortasynda,

Qazaqstannyń ortalyq bóliginde - qarashanyń ekinshi jartysynda,

elimizdiń batysy men ońtústik-shyǵysynda – qarashanyń sońynda jáne jeltoqsannyń birinshi jartysynda,

respýblıkanyń ońtústiginde jáne ońtústik-batysynda - jeltoqsannyń úshinshi onkúndiginde.


Basty sózder: Aýa raıy, Qazgıdromet,
Joǵary qaraı