Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qarapaıym zattar ekonomıkasy: Petropavlda 14 joba iske qosyldy

2021 jyldyń 18 aqpan 2021 14:33

PETROPAVL. QazAqparat – Petropavlda byltyr «Qarapaıym zattar ekonomıkasy» baǵdarlamasy boıynsha 14 jobaǵa ekinshi deńgeıli bankter 8,1 mlrd teńge jeńildetilgen nesıe berdi, dep habarlaıdy QazAqparat tilshisi.

Petropavl qalalyq ákimdiginiń málimetinshe, byltyr «Bıznestiń jol kartasy 2025» bıznesti damytý men qoldaýdyń biryńǵaı baǵdarlamasy boıynsha 9,4 mlrd teńgege 335 joba qarjylandyrylǵan.

Bul baǵdarlamanyń ereksheligi – kepilge qoıatyn múligi bolmaǵandarǵa memleket kepildik beredi, nesıe paıyzynyń bir bóligi memleket esebinen sýbsıdııalanady jáne kásipkerlik nysanǵa ınjenerlik jelini tartý arqyly bızneske qoldaý kórsetý.

Nátıjesinde Petropavlda 2,7 mlrd teńgeniń 163 jobasyna memleket kepildik berdi.

151 jobany júzege asyrýǵa berilgen 5,7 mlrd teńgeniń paıyzdyq mólsherlemesi sýbsıdııalandy jáne 932,6 mln teńgege 6 nysannyń óndiristik ınfraqurylymy jaqsartylatyn boldy.

Budan basqa «Qarapaıym zattar ekonomıkasy» baǵdarlamasy aıasynda jergilikti taýar óndirýshilerdi qoldaý maqsatynda ekinshi deńgeıli bankter 14 jobany júzege asyrýǵa 8,1 mlrd teńge nesıe berdi.

Taǵy 3,5 mlrd teńgeniń bıznes-josparlary qaralyp jatyr.

baǵdarlama aıasynda kásipkerler nesıeni 6 %-ben ǵana alady.

Al «Eńbek» baǵdarlamasynyń ekinshi baǵyty boıynsha 51 kásipker 567,1 mln teńge nesıe aldy. Nátıjesinde 70-ke jýyq jumys orny quryldy.

Bul nesıe de 6%-ben isti jańadan ashýǵa jáne úlkeıtýge kásipkerlerge 5 jylǵa beriledi. Nesıe mólsheri 6500 AEK – 18 960 500 teńge.

Bul nesıeni alý úshin «Bastaý-Bıznes» baǵdarlamasynda bıznes-jobany qorǵaý qajet nemese «Damý» kásipkerlikti qoldaý qorynyń kýrsynan ótkendigin rastaıtyn sertıfıkat bolýy tıis.

Jalpy byltyr «Basaý-Bıznes» baǵdarlamasy aıasynda Petropavlda 263 adam kásipkerliktiń negizderin úırendi.

Baǵdarlamaǵa qatysýshylarǵa 347 grant úshin 188,4 mln teńge bólindi.

Grant alýdan úmitkerlerdiń 122-si – 29 jasqa deıingi jastar, 30-y – az qamtylǵan jandar, 14-i – qonys aýdarýshylar, 11-i – múgedekter, 6-y – kóp balaly otbasylar jáne 3-eýi probatsııa qyzmetiniń esebinde turǵandar.

Jalpy qazir Petropavlda 20 myńǵa jýyq shaǵyn bıznes sýbektisi tirkelgen.


Joǵary qaraı