Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Karantın talabyn buzǵan Almaty meıramhanalaryna 77 mln teńge aıyppul salyndy

2021 jyldyń 18 qańtar 2021 12:55

ALMATY. QazAqparat - Almaty ákimi Baqytjan Saǵyntaevtyń tapsyrmasy boıynsha qalada monıtorıng toptarynyń jumysy jalǵasyp jatyr, dep habarlaıdy QazAqparat tilshisi.

Aýdan ákimdikteriniń, jergilikti polıtsııa qyzmetiniń qyzmetkerleri, sondaı-aq «Atameken» kásipkerler palatasynyń ókilderinen qurylǵan monıtorıngtik top 15-17 qańtarda kásipkerlik nysandary boıynsha karantındik rejım talaptaryn anyqtaý jáne túsindirý maqsatynda aýdandardy túngi aralaý júrgizdi.

Onyń barysynda 553 nysan tekserildi. 28 hattama toltyryldy.

Qalada barlyǵy 32 monıtorıngtik top jumys istedi. Karantındik sharalardyń barynsha kóp buzylýyn eskere otyryp, monıtorıngtik toptardyń jumysy Almatynyń 4 aýdanynda - Bostandyq, Almaly, Áýezov, Medeý aýdandarynda kúsheıtildi.

Atap aıtqanda, 28 nysanda buzýshylyqtar anyqtaldy:

1. Ál Farabı dań, 5 k 2 A «Sunset» meıramhanasy

2. Markov k. 61/2 «Jungle» restobary

3. Abaı d, 10 «QUEER» túngi klýby

4. Gagarın k, 250 «OverPack» laýnj bary

5. «Barmaglot» bary Ál-Farabı d. 116/21.

6. «Nebo» bary Dostyq d. 192/2.

7. «Fızıka» túngi klýby

8. «Aragosta» túngi klýby

9. Jibek joly dańǵyly boıyndaǵy «Sonı pleısteıshen» oıyn klýby

10. «Alımýs» bılıard kesheni

11. «Tsentr Shashlyka» dámhanasy

12. «Kvarelı» dámhanasy

13. «Salam bro» dámhanasy

14. Aınabýlak-2 sh/a, 84/4

15. «Alımýs» bılıard kesheni

16. «Tsentr Shashlyka» dámhanasy

17. «Mendal» balyq dámhanasy Samal 2 sh/a, 31.

18. «Dadıanı» dámhanasy, Qabanbaı batyr, 37.

19. «Chachapýrı» dámhanasy Qasteev k, 15

20. Abaı d, 10 «QUEER» túngi klýby

21. Jandosov k, 40 Bochonok meıramhanasy

22. Premera dámhanasy Premera TK

23. Royal Petrol №54 JJQB

24. «Mak» jıhaz dúkeni

25. «Domılıon» SÚ «Faberlis» býtıgi

26. «Bakınskıı býlvar» dámhanasy

27. «Veselıdze» dámhanasy Shevchenko k,155 b

28. «Bochonok» meıramhanasy Jandosov k, 40.

Jalpy, 2020 jylǵy 8 qazannan bastap 2021 jylǵy 17 qańtarǵa deıin 889 tekserý is-sharalary júrgizilgen.

Barlyǵy 7604 nysan tekserildi, 1212 (16%) nysanda karantındik sharalardy buzý faktileri anyqtaldy.

Tekserý nátıjeleri boıynsha Ákimshilik quqyq buzýshylyq týraly 1023 hattama jasaldy.

288 zańdy tulǵaǵa - 77 779 140 teńge, QR ÁQBtK-niń 425-babynyń 1-bóligi boıynsha maska rejımin buzǵany úshin 735 jeke tulǵaǵa 30 627 450 teńge aıyppul salyndy. Sondaı-aq, 24 materıal sotqa berildi, onyń ishinde 19 (79,1%) materıal boıynsha qyzmetin toqtata otyryp, aıyppul salý týraly sot qaýlysy shyqty.

Atap aıtqanda, Alataý aýdany boıynsha «Parvaz» dámhanasyna 100 AEK mólsherinde aıyppul salynyp, qyzmet 1 aıǵa toqtatyldy.

Almaly aýdany boıynsha Muqanov kóshesi, 130 mekenjaıyndaǵy «Degırmen» dámhanasy, Abaı dańǵyly, 91 «ASM group» JShS 1 aıǵa qyzmetin toqtata otyryp, 100 AEK aıyppul tóleıtin boldy.

«AsJan» jeke kásipkeriniń «Aragosta» dıskotekasyna 100 AEK aıyppul salynyp, qyzmeti 3 aıǵa toqtatyldy.

Naýryzbaı aýdany boıynsha «Taýjoly» dámhanasynyń qyzmeti 1 aıǵa toqtatylyp, 277 800tg aıyppul salyndy.

Túrksib aýdany boıynsha «Shashlychnyı dvor» dámhanasynyń qyzmeti1 aıǵa toqtatylyp, 100 AEK aıyppul salyndy. «Atlantis» bılıard klýbynyń qyzmeti 1 aı merzimge toqtatylyp, 277800 teńge kóleminde ákimshilik aıyppul salyndy. «Raıana», «Provans» dámhanalarynyń qyzmetin 1 aıǵa toqtata otyryp, 100 AEK kóleminde ákimshilik jaza qoldanyldy;

Medeý aýdany boıynsha: sot «Bm Trade Company» JShS «Artıst»-1 baryna qatysty qyzmetin toqtatý týraly sheshim qabyldady. «Suddenly» JShS «Hookan Dreems» kafesi bary, «Oranjerı Group» JShS «Oranjerı» restobar «Oranjerı» JShS - qoǵamdyq tamaqtaný qyzmetterin usyný boıynsha «Hookan Dreems» dámhanasynyń qyzmetin bir aıǵa toqtata otyryp, 277 800 teńge mólsherinde aıyppul salyndy.

Áýezov aýdany boıynsha Mıata loýndj baryna 1 aıǵa qyzmetin toqtata otyryp, 230 AEK kóleminde aıyppul salyndy. «Playstation Go»-1 kompıýterlik klýby 1 aıǵa toqtatylyp, aıyppul salyndy.

Esterińizge sala keteıik, shekteý sharalary men sanıtarlyq erejelerdi júıeli túrde (2-3 ret) jáne qasaqana buzý faktileri anyqtalǵan jaǵdaıda materıaldar aýmaqtyq prokýrorlarǵa ÁQBtK-niń 462-babynyń 3-bóligi boıynsha quqyq buzýshylardy tartý jáne sotqa berý úshin is qozǵaý úshin beriledi. Zańnamaǵa sáıkes, quqyq buzýshylarǵa uıymnyń qyzmetin toqtatýǵa deıin jaýapkershiligi qarastyrylǵan.


Joǵary qaraı