Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: ShQO-da túngi klýbtar jumysyna ruqsat berildi

2021 jyldyń 22 qazan 2021 00:02

ÓSKEMEN. QazAqparat - Shyǵys Qazaqstan oblysynda túngi klýbtar «Ashyq» júıesinde «jasyl» statýsy bar kelýshiler úshin jumys isteı bastady, dep habarlaıdy QazAqparat tilshisi.

​ShQO Bas memlekettik sanıtarlyq dárigeriniń jańa qaýlysy jarııalandy. Onda «Ashyq» jobasyna qatysatyn obektiler úshin jańa jumys rejımi belgilengen.

«Oblys «qyzyl» jáne «qonyr qyzyl» aımaqta bolǵanda nysandar jumys jáne demalys kúnderi saǵat 00.00-ge deıin, al «Ashyq» jobasynyń kóshbasshylary saǵat 02.00-ge deıin ashyq bolady. «Sary» aımaqta saǵat 01.00-ge deıin, «Ashyq» jobasynyń kóshbasshylary saǵat 03.00-ge deıin jumys isteıdi. Al «jasyl» aımaqta saǵat 03.00-ge deıin, joba kóshbasshylaryna saǵat 05.00-ge deıin jumys isteýge ruqsat etildi»- delingen qujatta.

Osy rette, demalys kúnderi mekeme qyzmetkerleri men kelýshilerde «jasyl mártebe» bolýy tıis. Sondaı-aq óńirde túngi klýbtar «Ashyq» júıesinde «jasyl» statýsy bar kelýshiler úshin jumys isteı bastady.



Joǵary qaraı