Aýa raıy
Astana -27 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: ShQO 5 reıd bolyp, 700 myń teńge aıyppul salyndy

2020 jyldyń 30 qarasha 2020 07:35

ÓSKEMEN. QazAqparat – Shyǵys Qazaqstanda monıtorıngtik toptar baqylaýdy jalǵastyrýda, dep habarlaıdy QazAqparat óńirdiń Aqparat ortalyǵyna silteme jasap.

KVI-diń taralýyna qarsy kúrestegi tıimdi quraldardyń biri – oblystyń barlyq aýdandary men qalalarynda qurylǵan arnaıy monıtorıngtik toptar. Tekserý jumystary koronavırýstyń taralý qaýpiniń aldyn alatyn epıdemııaǵa qarsy sharalardy júrgizý boıynsha sanıtarlyq erejelerdiń negizinde júzege asyrylady.

Rıdder qalasynda 28 qarashada 5 reıd ótip, 70 nysan tekserildi. Nátıjesinde jalpy somasy 722 280 tenge bolatyn 4 aıyppul salynyp otyr.

Sanıtarlyq normalardy buzý faktileri «Domınant» dúkeni men «Ogonek» shaǵyn bazarynda tirkeldi, munda satyp alýshylarǵa medıtsınalyq maskasyz jáne qolǵapsyz qyzmet kórsetilgen.

Borodýlıha aýdanynda monıtorıngtik top 26 nysandy aralady. 1 ereje buzý faktisi anyqtalyp, qoǵamdyq orynda maskasyz júrgen S.N. Novokreenov esimdi azamatqa 41 670 tenge kóleminde 1 aıyppul salyndy.

Glýbokoe aýdanynda 89 nysanda 18 reıd júrgizildi. Maskalyq rejımdi buzý boıynsha 1 fakti tirkelip, A. F. Gordeev esimdi azamat ákimshilik jaýapkershilikke tartyldy. Aıyppul – 41 670 tenge.

ShQO-da reıdtik sharalar men monıtorıngtik toptardyń jumystary áli de jalǵasady. Saýda oryndary men dúkenderge barǵanda jeke qorǵanys zattaryn qoldanýdy umytpańyzdar.

Bul sizderge yńǵaısyzdyq týdyrsa da, ózińizdi jáne jaqyndaryńyzdy qaýipten qorǵaýǵa septigin tıgizedi.
Joǵary qaraı