Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Karantın: Monıtorıngilik toptardyń jumys erejesi ázirlendi

2022 jyldyń 20 qańtar 2022 17:47

NUR-SULTAN. QazAqparat – QR Densaýlyq saqtaý mınıstrligi Sanıtarııalyq-epıdemıologııalyq baqylaý komıteti monıtorıngilik toptardy qurý jáne monıtorıng júrgizý tártibin ázirledi, dep habarlaıdy QazAqparat tilshisi.

Qujat «Ashyq NQA» portalynda 3 aqpanǵa deıin qoǵam talqysyna shyǵaryldy.

Oǵan sáıkes, monıtorıng toptarynyń qyzmeti jeke jáne zańdy tulǵalardyń qoǵamdyq tártipti saqtaýyn, onyń ishinde ınfektsııalyq aýrýlardyń taralý qaýpiniń aldyn alýǵa baılanysty karantın shekteýlerin oryndaýyn qadaǵalaýǵa baǵyttalady.

Monıtorıngilik toptardyń quramyna ákimdikterdiń, ishki ister organdarynyń ókilderi, qoǵam ókilderi men eriktiler, basqa da múddeli tulǵalar kire alady.

Qurylǵan monıtorıng toptarynyń quramy men ókilettikteri týraly aqparat jáne is-qımyl algorıtmi BAQ pen ákimdikterdiń saıttarynda jarııalanýy kerek. Olardyń qyzmetin úılestirip, ótetin reıdterdi aldyn ala jarııalaýǵa jaýapty laýazymdy adamdardy ákimdikter taǵaıyndaıdy.

Ereje jobasynda monıtorıng toptary epıdemıologııalyq jaǵdaı matrıtsasyndaǵy «sary» jáne «qyzyl» aımaqta ornalasqan óńirlerde ǵana baqylaý júrgize alatyny aıtylǵan.

Reıdtke shyǵatyn top músheleriniń bárinde «jasyl» mártebe bolýy shart.

Reıd barysynda monıtorıng toby nysanda mynadaı sıpattaǵy tekserýler júrgize alady:

obektiniń qyzmetin shekteýge qoıylatyn talaptardy saqtaý (Jumys rejımi);

banket, úılený toıy, mereıtoı, eske alý sııaqty sharalardy jáne adamdar kóp jınalatyn ózge de is-sharalardy ótkizýdi shekteýge qoıylatyn talaptardy saqtaý;

áleýmettik qashyqtyqty saqtaý;

maska rejımin saqtaý;

kelýshiler sanynyń lımıtin saqtaý;

qyzmetkerlerdiń COVID-19-ǵa qarsy vaktsınatsııadan ótýi;

kelýshiler men qyzmetkerlerdi QR-kod arqyly sáıkestendirý arqyly ǵana ótkizý talabyn saqtaý.

Monıtorıng toby reıd júrgizilgen nysannan sanıtarlyq-epıdemıologııalyq talaptardyń buzylǵanyn anyqtasa, materıaldy úılestirý ortalyǵyna bir saǵat ishinde joldaýy kerek. Al aıǵaq materıaldaryn eki saǵat ishinde usynýy kerek.

Ereje boıynsha, monıtorıng júrgizý sharasyn tekserýmen shatastyrýǵa bolmaıtyny eskertilgen. Sondaı-aq, monıtorıng toptarynyń ákimshilik quqyq buzý týraly isterdi qozǵaý quzyreti de tym shekteýli ekeni, onyń naqty reglamenti bar ekeni aıtylǵan.


Joǵary qaraı