Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Karantın engizip, ujymdyq jaýapkershilik pen ımmýnıtetti nyǵaıtý mańyzdy - Erlan Saıyrov

2020 jyldyń 2 shilde 2020 11:54

NUR-SULTAN. QazAqparat - Saıasattanýshy Erlan Saıyrov karantınniń qajettigin aıtyp, halyqty sabyrǵa shaqyrdy, dep habarlaıdy QazAqparat.

«On kúnnen asty, aýyryp jatqanyma. Bul aýyrýdyń alqymy aýyr. Meniń oıymsha, adamnyń sanasyn ýlap, kúresýge degen demin sulatýǵa tyrysatyn tárizdi. Al endi, temperatýra kóterilip, sana ýlanyp qalǵanda, etińdi irip jatsa da, adam súleısoq bolady eken. Dárigerler túni júrip, dári- ýkolyn berip, ursyp júrip, sanany oıatyp, alyp shyqty. Qazir óz jaǵdaıym qalypty. Jalpy, jaǵdaı kúrdeli dep oılaımyn. Áli de kúrdelene túsýi yqtımal. Bul aýrýdyń tabıǵatyn túsinbeı jatyrmyz. Qoǵam qatigezdene tússe, jaqsyǵa senbese, bul qyzylkóziń órshelene túsedi. Men de bes kúnde kórmegendi kórdim, neshe túrli aýyr eles boldy. Bir jipsiz jaqsyǵa degen senim alyp shyqqan tárizdi» dep jazady Erlan Saıyrov Facebook paraqshasynda.

Onyń aıtýynsha, barynsha sabyrly bolǵan durys. Bir-birimizdi syılap, meıirimge baýlý kerek. Bul zulmatty árqaısysymyz jeke jeńe alamyz. Ol jeńistiń aty - sabyr, ózińdi óziń kútý, basqanyń densaýlyǵyna zııan jasamaý.

«Dárigerlerge, ásirese, kishi medpersonalǵa rahmet! Medsestra, sanıtar jigitter naǵyz batyr. Kúni-túni uıqy joq, júgirip júrgeni. Barsha dostaryma rahmet. Ótinish, pıǵyldy túzeıik. Vaktsınadan basqa kiltıpan da bar. Kilt sol jaqta bolýy múmkin. Karantın qajet. Ujymdyq jaýapkershilik jáne ımmýnıtetti nyǵaıtý mańyzdy» dep túıindedi sózin saıasattanýshy.


Joǵary qaraı