Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Elordada túngi klýbta saıran salǵandar polıtsııa ýchaskesine jetkizildi

2020 jyldyń 21 qyrkúıek 2020 18:16

NUR-SULTAN. QazAqparat – Ótken demalys kúnderi elordada reıd júrgizilip, karantın talaptaryn buzatyn kóńil kóterý nysandary anyqtaldy, dep habarlaıdy QazAqparat tilshisi.

«20 qyrkúıek kúni saǵat 01.40-ta «Alanııa« túngi klýbynyń jumys istep turǵany jáne kelýshiler shýlap jatqany týraly habarlama tústi. Shaqyrtý boıynsha oqıǵa ornyna polıtsııa jasaǵy jiberildi. Polıtsııa qyzmetkerleri kelgen kezde zalda kóńil kóterýshiler toly bolǵan. Kóńil kóterýshilerdiń bir bóligi bar ústelshesiniń janynda mýzyka tyńdap otyrsa, kelesi bóligi bılep júrgen», - delingen Nur-Sultan qalalyq Polıtsııa departamentiniń aqparatynda.

Departament málimetinshe, kóńil kóterýshilerdiń eshqaısysy qaýipsizdik sharalaryn saqtamaǵan. Osylaısha, karantın talabyn buzǵan 30 adam Almaty aýdandyq polıtsııa basqarmasyna jetkizilgen. Olardyń barlyǵy da túngi ýaqytta tynyshtyqty buzǵany úshin ákimshilik jaýapkershilikke tartyldy.


«Sonymen qatar karantın rejımin buzýǵa qatysty jınalǵan materıaldar halyqtyń sanıtarlyq-epıdemıologııalyq saýlyǵy salasyndaǵy zańnama talaptaryn, sonymen qatar gıgıenalyq normatıvterdi buzǵandardy QR Ákimshilik quqyq buzýshylyq týraly kodeksiniń 425-babymen ákimshilik jaýapkershilikke tartý úshin Taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.

Nur-Sultan qalalyq polıtsııa departamenti kóńil kóterý ornyna barý arqyly ózińizdiń ǵana emes, tóńirektegi adamdardyń da ómirine qaýip tóndiretinińizdi eskertedi. Karantın sharalarynyń jeńildetilgendigine qaramastan, vırýs juqtyrý qaýpi áli saqtalyp otyr jáne sanıtarlyq normalardy saqtaý qajet», - dedi vedomstvodan.


Avtor Marlan Jıembaı
Basty sózder: Nur-Sultan, Koronavırýs, Zań,
Joǵary qaraı