Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: BAQ ókilderiniń memlekettik organdarǵa kirýine ruqsat berilýi múmkin

2021 jyldyń 27 qyrkúıek 2021 19:01

NUR-SULTAN. QazAqparat – Qazaqstanda karantın talaptaryn saqtaı otyryp BAQ ókilderin is-sharalarǵa tikeleı qatysýǵa ruqsat berý máselesi qaralyp jatyr, dep habarlaıdy QazAqparat tilshisi.

«Aldymen Nur-Sultan qalasynyń áli de bolsa «qyzyl» aımaqta ekenin umytpaǵan jón. Al toı-toımalaq jasaýǵa berilgen ruqsatqa kelsek, shaǵyn jáne orta bıznes ókilderi tarapynan kóptegen ótinishter kelip tústi. BAQ ókilderin memlekettik organdarda ótip jatqan sharalarǵa tikeleı kirgizbeý aqparat alýda shekteý qoıý deýge bolmaıdy. Bizde BAQ-tyń jumysyna kedergi keltirip, shek qoıý degen másele joq. Parlament, Úkimet úıinde ótip jatqan barlyq is-sharalar jurtshylyqqa onlaın taratylady»,- dedi QR Premer-Mınıstrdiń orynbasary Eraly Toǵjanov Úkimet úıinde onlaın ótken baspasóz máslıhatynda.

Sondaı-aq, Premer-Mınıstr orynbasary elimizde karantın talaptary bar ekenin taǵy bir eske salyp, maska taǵý jáne áleýmettik araqashyqtyqty saqtaýǵa shaqyrdy.

«Tilshilerdiń aqparat alýyna qatysty shekteýler joq. Qajet jaǵdaıda tıisti organǵa resmı saýal joldaı alady, odan bólek, kúndelikti onlaın baspasóz máslıhaty uıymdastyrylyp jatyr. Onyń barysynda BAQ ókilderi óz saýaldaryn quzyrly organ ókilderine tikeleı qoıa alady. Búgindi tańda sanıtarlyq talaptardy saqtaı otyryp, tilshilerdiń tikeleı qatysýymen baspasóz máslıhatyn ótkizý máselesi qaralyp jatyr», - deıdi ol.

Sol sııaqty Eraly Toǵjanov aldaǵy ýaqytta tilshilerdiń qatysýymen ótetin is-sharalarǵa Ashyq júıesimen kirgiziletinin eskertti.


Joǵary qaraı