Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Almatyda bir kún ishinde 17 nysannan kemshilikter anyqtaldy

2020 jyldyń 29 qazan 2020 20:35

ALMATY. QazAqparat - Almatyda monıtorıng toptary megapolıs aýmaǵynda karantındik sharalardyń saqtalýyn baqylaý boıynsha jumystardy jalǵastyryp jatyr, dep habarlaıdy QazAqparat tilshisi.

28 qazanda 71 monıtorıngtik shara ótkizildi. Olardyń ishinde zańbuzýshylyqtar 17 nysannan anyqtaldy.

Anyqtalǵan buzýshylyqtar boıynsha materıaldar aýmaqtyq medıtsınalyq uıymdarǵa joldandy.

Jekeleı alǵanda, Alataý aýdanynyń monıtorıngtik toptarymen Áıgerim shaǵyn aýdanynda «Zaman» dúkeninde, dámhanada jáne dárihanada, Bókeev kóshesiniń boıyndaǵy «Sonıa» dúkeninde maska rejıminiń saqtalmaýy, qoldy óńdeıtin sanıtaızerler men dezınfektsııalyq kilemshelerdiń bolmaýy sııaqty karantın rejımin buzý faktileri anyqtaldy.

Almaly aýdanyndaǵy monıtorıngtik sharalardyń barysynda Qarasaı batyr kóshesi, 193 boıynsha «Rıýmochnaıa Bavarııa» dámhanasynda jumys rejıminiń buzylýy anyqtaldy. Rozybakıev kóshesi, 214 a mekenjaıy boıynsha kalıan qyzmetine ýaqytsha shekteý engizildi.

Áýezov aýdanynda Jandosov kóshesi, 59 mekenjaıy boıynsha «Moskva» bılıard klýbynyń jumysyna ýaqytsha shekteý engizildi. Sonymen birge 11 shaǵyn aýdandaǵy loto klýbtyń qyzmeti toqtatyldy.

Jetisý aýdanynda monıtorıngtik jumys qorytyndysy boıynsha Abylaı han dańǵyly boıyndaǵy «As-Jol» dámhanasy jáne Raıymbek dańǵyly boıyndaǵy «Lıon» kompıýter klýbynyń qyzmetine ýaqytsha tyıym salyndy.

Naýryzbaı aýdanynyń monıtorıngtik toptary «Hozıaıýshka» dúkeni men «Ptıchka» kofeınıasynan maska rejıminiń saqtalmaýy, qoldy óńdeıtin sanıtaızerlerdiń joqtyǵyn anyqtady.

Shekteý sharalary jáne sanıtarlyq erejelerdi júıeli jáne qasaqana buzý faktileri anyqtalǵan jaǵdaıda materıaldar quqyqbuzýshylardy Ákimshilik quqyqbuzýshylyqtar kodeksiniń 462-babynyń 3-bóligi boıynsha jaýapqa tartý jáne is qozǵap, sotqa berý úshin aýmaqtyq prokýrorlarǵa beriletin bolady.

Joǵary qaraı