Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Aqmola oblysynda dinı obektilerdiń qyzmetine tyıym salyndy

2021 jyldyń 21 qańtar 2021 19:10

KÓKShETAÝ. QazAqparat – Aqmola oblysy bas memlekettik sanıtar dárigeriniń jańa qýlysy shyqty, dep habarlaıdy QazAqparat tilshisi.

Osy qaýlyǵa sáıkes, dinı obektilerdiń (meshit, shirkeý, sobor, sınagoga jáne basqalar) qyzmetine tyıym salynady.

«Kelýshilerdiń sanyn 30 paıyzdan asyrmaı jáne bir kelýshige keminde 4 sharshy metr saqtalǵan jaǵdaıda aýdany 1000 sharshy metrden artyq azyq-túlik satpaıtyn dúkenderdiń qyzmeti saǵat 10.00-den 22.00-ge deıin shekteledi. Senbi jáne jeksenbi kúnderi jumys istemeıdi. Sonymen birge, kelýshilerdiń sanyn 30 paıyzdan asyrmaı jáne bir kelýshige keminde 4 sharshy metr saqtalǵan jaǵdaıda ondaǵy azyq-túlik bólimderi men dárihanalardy qospaǵanda, jeksenbi kúnderi aýdany 1000 sharshy metrden asatyn sýpermarketter men gıpermarketter jumysyn toqtady» delingen qaýlyda.

Budan bólek, kelýshilerdiń sanyn 30 paıyzdan asyrmaı jáne bir kelýshige keminde 4 sharshy metr aýmaq saqtalǵan jaǵdaıda sýpermerketter men gıpermarketter jumysy saǵat 10.00-den 22.00-ge deıin shekteledi.

Qaýly 2021 jylǵy 23 qańtar saǵat 00:00 kezinde kúshine enedi.


Joǵary qaraı