Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Aqmola oblysynda 65 synyp oqýshysy qashyqtan oqıdy

2021 jyldyń 12 qazan 2021 18:58

KÓKShETAÝ. QazAqparat - Aqmola oblysynyń pedagogteri arasynda oqý jylynyń basynan beri koronavırýs ınfektsııasyn juqtyrýdyń 142 jaǵdaıy tirkeldi.

Tek bir táýlik ishinde aýrý alty muǵalim men 14 oqýshydan anyqtaldy. Bul týraly brıfıngte Aqmola oblysynyń bas memlekettik sanıtarlyq dárigeri Aınagúl Mýsına málim etti, dep habarlaıdy QazAqparat tilshisi.

Onyń aıtýynsha, Aqmola oblysynda COVID-19 aýrýy boıynsha epıdemıologııalyq jaǵdaı kúrdeli qalpynda qalyp otyr. Sonymen, koronavırýs ınfektsııasynyń taralý qarqyny boıynsha epıdemıologııalyq jaǵdaıdy baǵalaý matrıtsasyna sáıkes, oblys qazirgi ýaqytta taǵy da «qyzyl» aımaqta.

«Sońǵy aptada aldyńǵy kezeńmen salystyrǵanda syrqattanýshylyqtyń 1,6 esege - 357-den 563 jaǵdaıǵa deıin óskeni baıqalady, bul 206 jaǵdaıǵa artyq. Aýrýshańdyqtyń joǵary kórsetkishteri aǵymdaǵy aıda Kókshetaý qalasynda, Býrabaı aýdanynda, Stepnogorsk qalasynda, Arshaly, Bulandy aýdandarynda baıqaldy», - dep atap ótti A. Mýsına.

Aýrýdyń jas qurylymy boıynsha birinshi orynda 25 paıyz kórsetkishpen 60 jáne odan joǵary jastaǵylar tur. Ekinshi orynda 14 jasqa deıingi balalar - 16,1 paıyz, odan ári 50-59 jastaǵylar – 15,5 paıyz, 40-49 jastaǵylar – 13,3 paıyz, 30-39 jastaǵy naýqastar – 13,3 paıyz, 19-29 jastaǵy jasóspirimder – 10,8 paıyz, 15-18 jastaǵylar - 6,1 paıyz. Sońǵy táýlikte ǵana óńirde COVID-19-dyń 110 jaǵdaıy tirkeldi, ósim táýligine 0,3 paıyz.

«Búgingi tańda 474 adam COVID-19-dan emdelýde, jumys júktemesi 59 paıyzdy quraıdy. Reanımatsııada 47 patsıent em alyp jatyr, reanımatsııalyq tósek - oryn – 42 paıyz», - dep tolyqtyrdy A.Mýsına.

Bilim berý uıymdarynda oqytýdyń dástúrli formaty qaıta bastalǵan kezde oqýshylar arasynda koronavırýs ınfektsııasyn juqtyrǵandardy tirkeý jalǵasa beredi. Oqý jylynyń basynan beri orta bilim berý uıymdarynda 584 jaǵdaı tirkelgen, onyń ishinde 173 jaǵdaı oqý protsesiniń bastalýyna baılanysty emes.

«Ótken táýlikte 14 oqýshy koronavırýs juqtyrdy. Koronavırýs ınfektsııasynyń 48 oqý ornynda tirkelýine baılanysty 65 synyp qashyqtan oqytýǵa aýystyryldy. Pedagogter arasynda oqý jylynyń basynan beri 142 KVI juqtyrý jaǵdaıy tirkeldi, tek bir táýlik ishinde 6 jaǵdaı tirkeldi. Mektep jasyna deıingi balalar arasynda 480 jaǵdaı, táýligine 1 jaǵdaı tirkeldi», - dep túıindedi óńirdiń bas memlekettik sanıtarlyq dárigeri.

Sonymen qatar, 2021-2022 oqý jylynyń basynan bastap orta arnaıy oqýy oryndarynyń stýdentteri arasynda 84 jaǵdaı tirkeldi, onyń ishinde 62 - si oflaın jáne 22-si onlaın oqydy.


Joǵary qaraı