Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: 17 tamyzdan keıin qandaı shekteýler saqtalady

2020 jyldyń 13 tamyz 2020 18:43

NUR-SULTAN. QazAqparat – 17 tamyzdan bastap Qazaqstanda koronavırýs ınfektsııasyna baılanysty engizilgen karantın sharalary jeńildetiledi. Alaıda, birqatar nysandardyń jumysyna tyıymdar saqtalmaq, dep habarlaıdy QazAqparat.

Atap aıtqanda,

- oıyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úıde ótkizýge;

- barlardyń, túngi jáne oıyn klýbtarynyń, karaoke, fýdkorttardyń, kınoteatrlardyń jáne balalar men eresekterge arnalǵan basqa da oıyn-saýyq oryndarynyń jumysyna;

- mádenıet nysandarynyń, mýzeılerdiń qyzmetine, konferentsııalar, kórmeler, forýmdar ótkizýge;

- basseınder, qalalyq jáne qoǵamdyq jaǵajaılar, ashyq akvaparkterdiń jumysyna;

- dinı nysandardyń jumysyna;

- qala mańyndaǵy jolaýshylar poıyzdarynyń/elektrıchkalardyń qozǵalysyna, jumys poıyzdaryn, qalaaralyq avtobýstardy/mıkroavtobýstardy qospaǵanda, ortaq vagondardy qurýǵa tyıym salynady.

Sondaı-aq epıdemıologııalyq jaǵdaıdy odan ári turaqtandyrý maqsatynda demalys kúnderi shekteý sharalary saqtalady.

«Maska rejımi men áleýmettik qashyqtyqty saqtaý ‒ barlyq adamdar úshin saqtalýy tıis mindetti sanıtarlyq talaptar jáne bul azamattardyń kúndelikti ómirindegi erejelerge aınalýy qajet. Bıznes sýbektileriniń qyzmetin olar tolyq daıyn bolǵan jaǵdaıda ǵana qaıta bastaý qajet», — dedi Úkimet basshysy Asqar Mamın búgin ótken memlekettik komıssııa otyrysynda.


Joǵary qaraı