Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qaraqalpaqstanda qyz alyp qashqandar ustaldy

2020 jyldyń 30 qazan 2020 15:00

TAShKENT. QazAqparat – Qaraqalpaqstanda qyz alyp qashyp, ony turmys qurýǵa májbúrlegender ustaldy, dep habarlaıdy QazAqparat Ózbekstan Respýblıkasy ІІM janyndaǵy tergeý departamentiniń resmı saıtyna silteme jasap.

«13 qazanynda saǵat 20:00 shamasynda 3 azamat 24 jastaǵy qyz balany qarsylyq bildirgenine qaramastan alyp qashqan. Oqıǵa Qanlykól aýdanynyń Sarı-Oltın jáne Madenııat kósheleri qıylysynda boldy. Jumystan keıin úıine bara jatqan qyzdy 3 er azamat «Nexia-2» avtokóligine májbúrlep otyrǵyzyp, Býstan aýylyndaǵy úılerdiń birine aparǵan.

Qazirgi tańda osy fakti boıynsha Qanlykól aýdanynyń ІІB janyndaǵy tergeý toby Ózbekstan Respýblıkasy Qylmystyq kodeksiniń 136-babynyń 1-bóligi (Áıeldi nekege turýǵa májbúrleý nemese nekege turýǵa kedergi jasaý) boıynsha qylmystyq is qozǵady», - delingen Ózbekstan Respýblıkasy ІІM janyndaǵy tergeý departamentiniń saıty taratqan málimette.

Qylmystyq kodekstiń atalǵan baby boıynsha, kúdiktilerge 25 bazalyq eseptik kórsetkish kóleminde aıyppul salý, 360 kúnge deıin mindetti qoǵamdyq jumystarǵa nemese 3 jylǵa deıin túzetý jumystaryna tartý jazasy qarastyrylady. Sondaı-aq, sot sheshimine baılanysty 1 jyldan 3 jylǵa deıin bas bostandyǵyn shekteý nemese 3 jylǵa deıin bas bostandyǵynan aıyrylýy múmkin.



Avtor Álıhan Asqar
Basty sózder: Oqıǵa, Ózbekstan,
Joǵary qaraı