Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵaıly ormandy otaýǵa zańsyz ruqsat bergen rezervat basshysy qamaýǵa alyndy

2021 jyldyń 9 shilde 2021 12:52

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov «Semeı ormany» rezervatynyń bas dırektory men eki orynbasary ne úshin tergeýge alynǵanyn aıtty, dep habarlaıdy QazAqparat.

«Semeı ormany» rezervatynyń bas dırektory men eki orynbasary bastaǵan qylmystyq toptyń qyzmeti toqtatyldy. Olar ormandy sanıtarlyq tazartýǵa ruqsat berý arqyly kásipkerlerden para alý shemasyn uıymdastyrǵan. Osy l a ı sha «sanıtarlyq tazartý» jeleýimen biregeı relıkti qaraǵaı ormany zańsyz kesilgen», - dedi Marat Ahmetjanov vedomstvonyń alqa májilisinde.

Onyń málimetinshe, atalǵan úsh basshy qamaýǵa alynǵan, qazir ústerinen tergeý júrip jatyr. Sondaı-aq, ol Qorǵanys mınıstrligindegi bylyqtarǵa qysqasha toqtaldy. Aıtýynsha, tyl, qarýmen jabdyqtaý jáne qarjylandyrý basqarmalarynyń bastyqtary qol astyndaǵy áskerı qyzmetshilerdiń syıaqysyna ortaqtasyp otyrǵan.

Jartyjyldyqtyń jumysyn qortyndylaǵan alqa májilisinde antıkor basshysy vedomstvo qurylymyndaǵy ózgeristerge toqtaldy.

«Prezıdent Jarlyǵymen agenttiktiń qurylymy ózgerdi. 7 departamenttiń ornyna 3 negizgi qyzmet quryldy. Bul agenttiktiń strategııalyq maqsattaryn tıimdi jáne jáne sapaly oryndaýdy qamtamasyz etedi. Prezıdent ákimshiligiginiń kelisimen atalǵan qyzmettiń basshylary bolyp Marat Tóleýbaev, Ashat Jumaǵalı jáne Dáýren Erǵarın taǵaıyndaldy. Úsheýi de agenttiktiń kadrlary. Sonymen qatar, Agenttik tóraǵasynyń orynbasary retinde Prezıdenttiń kadrlyq rezervinen Maqsat Amanqululy Qojabaev taǵaıyndalyp otyr. M.Qojabaev birqatar óńirlerdiń qarjy polıtsııasyn, jemqorlyqqa qarsy qyzmetin, prokýratýralaryn basqarǵan. Osyndaı zor senimge ıe bolyp otyrǵan jańa qyzmetkerler el úmitin aqtap, adal qyzmet etedi dep senemin», - dedi Marat Ahmetjanov.


Joǵary qaraı