Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq qutqarýshylar 1 qarashadan bastap joǵary daıyndyq rejımine kóshedi

2021 jyldyń 24 qazan 2021 09:13

QARAǴANDY. QazAqparat – Qaraǵandy oblysynyń TJD qyzmetteri 1 qarashadan bastap joǵary daıyndyq rejımine kóshýi tıis.

Óńirde qys mezgilinde halyqty qorǵaý boıynsha barlyq sharalar kesheni qarastyrylǵan is-sharalar jospary bekitildi, dep habarlaıdy QazAqparat tilshisi.

Bul týraly óńirlik Tótenshe jaǵdaılar departamentiniń bastyǵy Murat Qatpanov málim etti.

«Tájirıbege súıene otyryp, oblystyń uzyndyǵy 705 km bolatyn 590 qar basyp qalatyn avtojol ýchaskeleri kúsheıtilgen baqylaýǵa alynady, Tótenshe jaǵdaılar departamenti qysqy jaǵdaıda jumys isteý úshin joǵary ótimdi jáne ınjenerlik tehnıkanyń 92 birligin daıyndady. Jol talǵamaıtyn kólikter, vahtalyq avtomobılder belsendi túrde iske qosylady. Jyl saıynǵy tájirıbeni esepke ala otyryp, bul tehnıkany Temirtaý, Osakarovka, Molodejnyı, Aqsý-Aıýly, Jańaarqa sııaqty qar basatyn baǵyttar boıynsha jaıǵastyramyz», – dep habarlady spıker.

Sondaı-aq, ol azamattyq qorǵaý organdarynyń kúshteri men quraldary qysqy kezeńdegi tótenshe jaǵdaılarǵa den qoıýǵa daıyn ekenin atap ótti. Biraq turǵyndardyń qaýipsizdik sharalaryn saqtaýy óte mańyzdy.

«Aýa raıyna baılanysty eskertýler jarııalanǵan kezde alys jolǵa, ásirese túnde saparǵa shyqpaǵan jón. Júrgizýshilerdiń avtojoldardyń jaǵdaıy aýa raıyna baılanysty aqparatty qadaǵalap otyrǵany jón. Ony biz barlyq baılanys quraldary arqyly jetkizemiz», - dep atap ótti Murat Qatpanov.





Joǵary qaraı