Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandylyq bıatlonshy Beıjińdegi qysqy Olımpıadaǵa lıtsenzııa utyp aldy

2022 jyldyń 20 qańtar 2022 02:15

QARAǴANDY. QazAqparat – Qaraǵandylyq bıatlonshy Vladıslav Kıreev Beıjińdegi qysqy Olımpıadaǵa qatysý quqyǵyna ıe boldy. Qysqy sport túrleri boıynsha oblystyq olımpıadalyq rezerv mektebiniń tárbıelenýshisi retinde QR sport sheberi jáne jastar arasynda Qazaqstan men Azııa chempıony bolyp tabylady, dep habarlaıdy QazAqparat tilshisi.

«Qańtar aıyndaǵy sońǵy, óte mańyzdy reıtıngtik halyqaralyq jarystarda Slovakııadaǵy Brezno-Osrbldegi IBU Kýbogynda Vladıslav tamasha nátıje kórsetti. Al jarystyń birinde kútpegen jaǵdaı boldy. Nátıjesinde Vladıslav olımpıadaǵa qatysý úshin qajetti upaı sanyn jınady. Árıne, biz talantty jáne bolashaǵy zor tárbıelenýshimiz úshin óte qýanyshtymyz», – deıdi Qaraǵandy oblysynyń bıatlonnan aǵa jattyqtyrýshysy jáne sportshynyń jeke tálimgeri Raıs Haırýtdınov.

Vladıslav Kıreev 21 jasta. 2020 jyly Shveıtsarııada ótken jasóspirimder arasyndaǵy álem chempıonatynda jeke jarysta besinshi boldy. 2021 jyly bıatlonnan Chehııada ótken jazǵy álem chempıonatynda jetinshi oryn, Qyrǵyzstanda ótken Azııa birinshiliginde altyn jáne qola medaldarǵa, al Almatyda ótken QR Spartakıadasynda úsh jarysta jeńiske jetti.




Esterińizge sala keteıik, buǵan deıin qaraǵandylyq Ekaterına Aıdova 2022 jylǵy 4-20 aqpan aralyǵynda ótetin XXIV qysqy Olımpıada oıyndaryna qatysýǵa 500, 1 000, 1 500 metr qashyqtyqta konkımen júgirý sportynan úsh lıtsenzııa jeńip alǵan bolatyn.





Joǵary qaraı