Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandydaǵy shahtashylar kóshpeli brıgadalarda vaktsına alyp jatyr

2021 jyldyń 22 sáýir 2021 15:44

QARAǴANDY. QazAqparat – Qaraǵandy oblysynda koronavırýsqa qarsy jappaı vaktsınatsııa qarqyndy júrýde. Medıkterdiń kóshpeli brıgadalary shahtalarda jumys istep jatyr, dep habarlaıdy QazAqparat tilshisi.

Kómir óndirý kásiporyndary Shahtınsk, Abaı, Saran jáne Qaraǵandy qalalarynda ornalasqan. Kóshpeli medıtsınalyq brıgadalar aýmaqtyq túrde uıymdastyrylǵan. V.I. Lenın atyndaǵy shahtaǵa jáne «Shahtınskaıa» shahtasyna – Shahtınsk qalasynyń «Bolashaq» emhanasy, «Saran» shahtasyna - Saran qalasynyń emhanasy qyzmet kórsetedi, al qalǵan shahtalar men jerústi kásiporyndaryna Qaraǵandydan brıgadalar shyǵady.

«Shahtalarda dumysshylar jaqyn júrip jumys jasaıdy, áleýmettik ara qashyqtyu saqtaý jaǵdaılary bola bermeıdi. Al vaktsına qaýipti vırýstyń jappaı juqtyrýdy aldyn alýǵa kómektesedi», – dedi «ArselorMıttal Temirtaý» AQ Kómir departamentiniń medıtsınalyq máseleler jónindegi dırektory Ilıa Valshteın.




I.A. Kostenko atyndaǵy shahtada alǵashqy vaktsınany dırektor Sergeı Mýstıvko aldy.

«Ujymdyq ımmýnıtet úshin halyqtyń basym bóligi egilýi tıis ekeni belgili. Biz barlyǵymyz ómirdiń úırenshikti arnaǵa oralǵanyn qalaımyz», – deıdi kásiporyn basshysy.

Keıbir qyzmetkerler ózderin ǵana emes, jaqyndaryn da qorǵaýǵa múmkindik aldy. I.A. Kostenko atyndaǵy shahtada jumys isteıtin Evgenıı Konechnıkov qyzymen birge egildi.

«Árıne, oılandyq, bárin aldyn ala saraladyq. Jáne ekpe alý kerek degen sheshim qabyldadyq. Biz ózimiz jáne týystarymyz úshin únemi uıymdap, úreılenýdi doǵarǵymyz keledi», – dedi Evgenıı Konechnıkov.

Búgingi tańda shahtalarda 500-ge jýyq adam vaktsınatsııadan ótti jáne egý naýqany áli de jalǵasýda.











Joǵary qaraı