Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandydaǵy ortalyq saıabaq kól sýynyń lastanýyna ákimdik túsinik berdi

2021 jyldyń 27 qazan 2021 22:42

QARAǴANDY. QazAqparat – Qaraǵandylyqtar ortalyq saıabaqtaǵy kólge las sý quıylyp jatyr dep dabyl qaqty. Bul jaǵdaıǵa qala ákimdigi túsinikteme berdi, dep habarlaıdy QazAqparat tilshisi.

Áleýmetttik jelide Qaraǵandynyń ortalyq saıabaǵyndaǵy kólge las sý quıylyp jatqany týraly vıdeo tarady.


Ákimdiktiń habarlaýynsha, Qaraǵandyda Solnechnaıa kóshesinen «Zapadnaıa» sorǵy stantsııasyna deıin ótetin magıstraldy sý tartqyshty paıdalanýǵa berý boıynsha jumystar júrgizilýde. Magıstraldyń jalpy uzyndyǵy 8,4 shaqyrymdy quraıdy. Búginnen bastap «Qaraǵandy Sý» JShS kompanııasy júıeni iske qosar aldynda tehnologııalyq is-sharalaryn, ıaǵnı jańa qubyrlardy shaıý jumystaryn ótkizgen. Qala basshylyǵy magıstraldy tazartqan sýdy ortalyq saıabaqtyń kóline quıý týraly sheshim qabyldaǵan.

«Qazirgi ýaqytta bul sý taratqyshty taza aýyz sýmen jýyp jatyr, Ortalyq saıabaqtaǵy jasandy sý qoımasyn toltyrý úshin osy sýdy qaıta paıdalaný týraly sheshim qabyldandy. Jýý kezinde qubyrǵa qysymmen taza sý jiberiledi. Qysymnyń saldarynan qubyrdaǵy sý sarqylyp nátıjesinde qum men sazben aralasqan sý qońyr túske aınalady. Uqsas qubylys jańbyr kezinde de paıda bolady, topyraq qospalary bar sý aǵyndary ózender men kólderdiń sýyna aǵyp, túbinde jınalady. Bul jaǵdaıda qum men sazdyń bólshekteri tunǵan soń, sý taza bolady. Saıabaqtaǵy sý da tunǵan soń, kóldiń sýy tazarady», - dep túsindirdi Qaraǵandy qalasy ákiminiń baspasóz qyzmeti.

Sondaı-aq ákimdik bul sý qubyry kópshilik úshin mańyzdy ekenin atap ótti.



Joǵary qaraı