Aýa raıy
Astana 15 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Qaraǵandydaǵy daýyl: Aýrýhanalarda jaryq óship, shatyrlar kókke ushty

2020 jyldyń 12 shilde 2020 23:19

QARAǴANDY. QazAqparat - Búgin Qaraǵandy qalasynda daýyldy jel ondaǵan ǵımarattyń shatyryn julyp áketti, 50-ge jýyq aǵashty qulatty, dep habarlaıdy QazAqparat tilshisi.

12 shilde saǵat 16:30-da Qaraǵandy oblysynda qatty ekpindi jeldiń (21 m/s deıin) saldarynan ǵımarattar men qurylystardyń shatyrlary ushyp, aǵashtar qulady, elektr taratý jelileriniń úzilý derekteri tirkeldi.

«Osy ýaqytqa deıin jalpy bilim beretin 4 mektep ǵımaratynyń (Qaraǵandy qalasy jáne Solonıchkı stantsııasy), kópqabatty 5 turǵyn úıdiń, H.Maqajanov atyndaǵy «Oblystyq medıtsınalyq ortalyq» QMKK-niń, «LÝCh Neıroońaltý ortalyǵy» QMKK-niń, B. S. Beısenov atyndaǵy QR ІІM Qaraǵandy akademııasynyń, Qaraǵandy oblystyq Polıtsııa departamenti gospıtaliniń, Osakarov aýdany Zvezdnoe aýylynyń Mádenıet úıiniń, 4 nysannyń («Mıras» bıznes - ortalyǵy, «Tapchan» shaıhanasy, «Shubarkól Kómir» AQ, Saran qalasyndaǵy ǵımarat) shatyrlary zaqymdalǵany týraly habarlama tústi. Qurban bolǵandar men zardap shekkender joq», - delingen Qaraǵandy oblystyq Tótenshe jaǵdaılar departamentiniń málimetinde.





Sondaı-aq, turǵyn úılerdiń aýlalarynda qulaǵan jáne qulaý qaýpi bar 45 aǵash anyqtaldy.

«Jóndeý-qalpyna keltirý jumystary júrgizilýde. Sondaı-aq daýyl kezinde elektr symdary úzildi. Saldarynan qalanyń birneshe aýdany jaryqsyz qaldy.

Tótenshe jaǵdaılar qyzmeti kúsheıtilgen rejımde oqıǵa saldaryn joıýǵa kiristi. Elektr qýaty Ońtústik-Shyǵysta, ishinara Maıqudyq, Prıshahtınsk jáne Suryptaýda qosyldy.

Joǵary voltty jelilerdiń úzilýinen qalanyń ortalyǵynda, Prıshahtınsk qalasy, Mıhaılovka, Fedorovka jáne jekemenshik sektorlarda elektr jelisin tańǵa jaqyn qosýdy josparlap otyr. Brıgadalar jumysqa kiristi.

Jaryqsyz qalǵan aýrýhanalar apattyq qýat kózderine kóshti», - dedi vedomstvodan.





Joǵary qaraı