Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandydaǵy atys: Polıtsııa jaǵdaıdy túsindirdi

2021 jyldyń 28 qazan 2021 13:40

QARAǴANDY. QazAqparat – Qaraǵandy oblysynyń polıtsııa departamenti taksı júrgizýshisi men onyń jolaýshysy arasyndaǵy atys jaǵdaıyn túsindirdi. Zardap shekkender joq, dep habarlaıdy QazAqparat tilshisi.

27 qazanda saǵat 22.00 shamasynda Qaraǵandy qalasy Oktıabr polıtsııa bólimine shaǵyn aýdandardyń birinde taksı júrgizýshisine shabýyl jasalǵany týraly habarlama kelip tústi.

Oqıǵa ornyna birinshi bolyp Qaraǵandy qalasy patrýl polıtsııa polkiniń jasaǵy jetti.

Jábirlenýshi, taksomotor parkiniń 35 jastaǵy júrgizýshisi polıtsııaǵa jol aqysyn tóleýden bas tartqan jolaýshymen janjal bolǵanyn túsindirdi.

Qaqtyǵys kezinde klıent pyshaq alyp, jábirlenýshige shabýyl jasaǵan. Biraq júrgizýshi kóliktiń salonynan qashyp úlgergen.

O sy kezde kóshede ótip bara jatqan bir azamat taksı júrgizýshisine kómekke kelgen. Er adamdar kólikten qaskúnemdi alyp shyǵýǵa tyrysqan.

Alaıda ol qarsylastaryna pyshaq ala júgirgen.

Sol mezette júrgizýshige kómekke kelgen azamat oǵan belgisiz travmatıkalyq qarýdan birneshe ret oq atqan.

«Polıtsııa qyzmetkerleri izin sýytpaı mas bolǵan 55 jastaǵy er adamdy ustady. Oǵan medıtsınalyq kómek kórsetildi, aýrýhanaǵa jatqyzylǵan joq. Atalǵan fakti boıynsha QR QK 293-baby «buzaqylyq» boıynsha sotqa deıingi tergeý bastaldy. Qazirgi ýaqytta oq atqan adamnyń aty-jóni anyqtalyp jatyr», - dep habarlady Qaraǵandy oblysy PD baspasóz qyzmeti.


Joǵary qaraı