Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda jas júrgizýshi eki adamdy qaǵyp ketti

2021 jyldyń 18 maýsym 2021 00:33

QARAǴANDY. QazAqparat – Qaraǵandy qalasynyń ortalyq kósheleriniń birinde jeńil kólik júrgizýshisi jaıaý júrginshiler ótkelinde áıel men qyzdy qaǵyp ketti. Zardap shekkender aýrýhanaǵa jetkizildi, dep habarlaıdy QazAqparat tilshisi.

Áleýmettik jelide, Qaraǵandynyń tanymal pablıkteriniń paraqshalarynda osy oqıǵa jaıly

vıdeo jarııalandy.


Kólik soqqysynan 42 jastaǵy áıel men 18 jastaǵy qyz zardap shekti. Polıtsııa apatqa kináli adamdy, kólikti tizgindegen 20 jastaǵy jigitti ustady.

«16 maýsymda, shamamen 21.30-da 20 jastaǵy jigit rýlde bolǵan «VAZ 211» avtokóligi Buqar jyraý dańǵyl boıynda ornalasqan dámhananyń janyndaǵy rettelmeıtin jaıaý júrginshiler ótkelinde 42 jastaǵy áıel men onyń janyndaǵy qyzdy qaǵyp ketti. Zardap shekkender aýrýhanaǵa jetkizildi», - dep habarlady Qaraǵandy oblysynyń polıtsııa departamenti.

Qaraǵandy oblysynyń Densaýlyq saqtaý basqarmasynyń habarlaýynsha, zardap shekkenderdiń jaǵdaıy ortasha dárejedegi aýyr halde dep baǵalanady.

«42 jastaǵy áıeldiń aıaqtary, al 2003 jyly týǵan ekinshi zardap shegýshiniń qoldary synǵan. Ekeýi de shuǵyl travmatologııa bólimshesine jatqyzyldy. Jaǵdaıy ortasha aýyrlyq dárejesinde», - dep habarlady vedomstvonyń baspasóz qyzmeti.


Joǵary qaraı