Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda úlken tennısten respýblıkalyq týrnır jeńimpazdary anyqtaldy

2021 jyldyń 4 mamyr 2021 19:56

QARAǴANDY. QazAqparat – Qaraǵandynyń jańa tennıs ortalyǵynda respýblıkalyq Karaganda Masters 12&under týrnıri ótti. Úlken tennıs boıynsha jarysqa Qazaqstannyń 12 qalasynan 84 jas sportshy qatysty. Dodada 9–12 jas aralyǵyndaǵy tennısshiler ózara baq synasty, dep habarlaıdy QazAqparat tilshisi.

Bul týrnır – reıtıngtik: onyń qatysýshylary QR tennıs federatsııasynan upaı alady, al jeńimpazdar men júldegerler – dıplom men medal ıelenedi.

«Týrnır jekeleı synda da, juptyq synda da ótkiziledi. Barlyq matchtar sanıtarlyq normalardy saqtaı otyryp ótti. Ár oıynshynyń PTR-testi teris, olar jarys bastalardan 72 saǵat buryn tapsyrylǵan», - dep atap ótti jarystyń bas tóreshisi Jasulan Sartaev.

Týrnır qorytyndysy boıynsha birinshi oryndarǵa kelesi sportshylar ıe boldy:

- qyzdar arasyndaǵy jekeleı synda – Rýslana Rýslanova (Nur-Sultan);

- uldar arasynda jekeleı synda – Danıel ıÝreklı (Nur-Sultan);

- qyzdar arasyndaǵy juptyq synda – Adııa Omarbek / Sabına Serikqalı (Nur-Sultan);

- uldar arasyndaǵy juptyq synda – Danıel ıÝreklı (Nur-Sultan) / Arafat Mustafa (Atyraý).








Týrnırdiń jeńimpazdary men júldegerleri dıplomdarmen jáne medaldarmen marapattaldy.

Qaraǵandy oblysynyń namysyn 16 tennısshi qorǵady. Qaraǵandylyq sportshylardan 11 jasar Rodıon Traıgel úzdik nátıje kórsetti.

Ol jekeleı synda úshinshi oryn aldy. Sportshy tennıspen 5 jyldan beri aınalysyp keledi. Buryn Kókshetaýda oınaǵan, al bir jyl buryn ony Qaraǵandyǵa shaqyrǵan.

«Jartylaı fınalda meniń qarsylasym Nur-Sultan qalasynan kelgen Radmır Kýlkeevıch boldy. Ótken týrnırde men onymen úsh sette oınadym. Osy týrnırde jartylaı fınalǵa shyǵý úshin men taǵy da onymen oınadym. Birinshi set men 4:6 esebimen utyldym, al ekinshi set 6:1 uttym. Taı-breıkte men 10:5 esebimen jeńdim. Fınalda shymkenttik Mádı Ábıbýllaǵa qarsy oınadym. Macht óte jeńil boldy, men 6:1, 6:0 esebimen jeńdim. Qazaqstan chempıonattaryna 10-ǵa jýyq ret qatystym», – deıdi Rodıon.








Avtor Agata Mýhamedjanova
Basty sózder: Sport, Qaraǵandy oblysy,
Joǵary qaraı