Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda respýblıkalyq aıtys jeńimpazdary anyqtaldy

2021 jyldyń 26 qarasha 2021 13:40

JEZQAZǴAN. QazAqparat - Jezqazǵandyq Tólegen Jamanov Júrsin Ermannyń 70 jyldyǵyna arnalǵan respýblıkalyq aıtystyń bas júldesine ıe boldy. Shyǵarmashylyq jarys Qaraǵandyda ótti, oǵan elimizdiń ár óńirinen 16 tanymal aqyn qatysty, dep habarlaıdy QazAqparat.

Júrgizýshi QR eńbek sińirgen qaıratkeri Amanjol Áltaev boldy.

«Aıtys meniń otanymda ótip jatyr. Munda eń myqty aqyndar keldi, olardy qazaq zııalylarynyń kórnekti qaıratkerleri baǵalaıdy. Buǵan deıin Saryarqanyń jerinde Qazybek bı men Sáken Seıfýllınge arnalǵan úlken aıtystar ótkizilgen. Búgingi kún de joǵary deńgeıde ótedi jáne biz tamasha keshtiń qatysýshylary bolamyz dep senemin», – dedi mereıtoı ıesi án baıqaýynyń ashylýynda.




9 saǵatqa sozylǵan aıtysta aqyndar qazirgi zamannyń ózekti taqyryptaryn kóterdi. Olar elimizdiń Táýelsizdigi men Saryarqasy týraly án aıtyp, qoǵamnyń ózekti máselelerin qozǵady. Aıtyskerlerdiń sýyryp salma óleńderi mereıtoı ıesine de arnaldy.

Shyǵarmashylyq jarys qorytyndysy boıynsha Qaraǵandy oblysy Jezqazǵan qalasynyń turǵyny Tólegen Jamanov respýblıkalyq aıtystyń bas júldesin jeńip aldy.

Batys Qazaqstan oblysynan kelgen Jansaıa Mýsına birinshi orynǵa ıe boldy. Ekinshi oryndy úsh aqyn bólisti – olar Erkebulan Qaınazar (Nur-Sultan q.), Aıtbaı Jumaǵulov (Qaraǵandy oblysy) jáne Qalıjan Bildashev (Shymkent qalasy).

Úshinshi orynǵa bes aıtysker ıe boldy: Ásem Ereje (ShQO), Baýyrjan Shırmedınuly (BQO), Shalqarbaı Іzbasarov (Atyraý oblysy) jáne qaraǵandylyqtar Tilegen Ádilet jáne Ómirjan Kópbosynov.







Sondaı-aq ataýly syılyqtar berildi. Doskeı Álimbaı atyndaǵy arnaıy júldeni qyzylordalyq Muhtar Nııazov, Narmanbet Ormanbetuly atyndaǵy syılyqty Pavlodardan kelgen Raýan Qaıdarov, Kóshen Eleý atyndaǵy syılyqty Pavlodardan kelgen Aspanbek Shuǵataev ıelendi. Almatydan kelgen Qazan Berdihan Qasym Amanjolov atyndaǵy arnaıy syılyqqa, Aqtóbeden kelgen Marat Ahmetov Shashýbaı Qoshqarbaıuly atyndaǵy syılyqqa jáne Túrkistannan kelgen Bekarys Shoıbekov – Júrsin Erman atyndaǵy syılyqqa ıe boldy.

Barlyq aqyndarǵa dıplomdar men aqshalaı sertıfıkattar tabys etildi.





Joǵary qaraı