Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda qurylys alańynda 20 jastaǵy jigit toǵyzynshy qabattan qulap mert boldy

2021 jyldyń 19 qyrkúıek 2021 17:51

QARAǴANDY. QazAqparat – Qaraǵandydaǵy «Sapfır» TK qurylys alańynda 20 jastaǵy tas qalaýshy 9 qabattan qulap ketti, Jigit alǵan jaraqatynan oqıǵa ornynda kóz jumdy, dep habarlaıdy QazAqparat tilshisi.

Qaıǵyly oqıǵa 18 qyrkúıek kúni keshki saǵat 18:20-da bolǵan.

Tas qalaýshy jas jigit «Sapfır» turǵyn úı kesheninde úı salatyn qurylys brıgadasynyń quramynda jumys istegen.

Jigit qurylys nysanynyń 9-qabatynan qulap ketken. Ol alǵan jaraqatynan oqıǵa ornynda kóz jumdy.

«Atalǵan fakti boıynsha QR QK 156-baby 3-bóligi boıynsha qylmystyq is tirkeldi. Tıisti saraptama taǵaıyndaldy. Tergeý amaldary júrgizilip jatyr», - dep habarlady Qaraǵandy oblysy PD baspasóz qyzmeti.

Bul nysanda qaıtys bolǵan jigittiń aǵasy men ákesi de jumys isteıdi.


Joǵary qaraı