Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda kópbalaly áıelder úshin tegin sheberlik sabaǵy ótti

2021 jyldyń 21 qyrkúıek 2021 23:15

QARAǴANDY. QazAqparat - «Shańyraq» kópbalaly otbasylardy qoldaý ortalyǵy «Ana-Mama» qoǵamdyq qorymen birlesip, kondıterlik ónimder pisirý boıynsha tegin sheberlik sabaǵyn ótkizdi, dep habarlaıdy QazAqparat tilshisi.

Kásibı kondıter Aıjan Shalǵymbaeva analarǵa tort pen bálish daıyndaýdy úıretti. Ol sondaı-aq óz isin ashýǵa grantty qalaı alýǵa bolatyny týraly da aıtyp berdi.

«Mundaı sheberlik sabaqtaryn ár juma saıyn ótkizetin bolamyz. Úsh apta ishinde 30 anany oqytýdy josparlap otyrmyz. Bizdiń maqsatymyz – kóp balaly áıelderdi kondıterlik ónimderdi daıyndaýǵa úıretý, sondaı-aq úı jaǵdaıynda aqsha tabýǵa jáne óz isin ashýǵa kómektesý. Biz «Ana-Mama» qorymen úsh jylǵa jýyq jumys istep kelemiz. Qor turaqty túrde az qamtylǵan otbasylarǵa qaıyrymdylyq kómek kórsetedi», – dedi «Shańyraq» ortalyǵynyń jetekshisi Lázzat Qojahmetova.

















Joǵary qaraı