Aýa raıy
Astana 18 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Qaraǵandyda Qazaqstandaǵy alǵashqy kóterme-taratý logıstıkalyq ortalyǵy ashyldy

2020 jyldyń 4 shilde 2020 16:33

QARAǴANDY. QazAqparat - Qaraǵandyda Elorda kúni qarsańynda Qazaqstandaǵy eń iri Global City kóterme-taratý logıstıkalyq ortalyǵy ashyldy, ol aýyl sharýashylyǵy ónimderin satý úshin «Soltústik - Ońtústik» aǵyndaryn baılanystyrady, dep habarlaıdy QazAqparat.

Tikeleı jetkizý jáne deldalsyz satý esebinen qaraǵandylyqtar taýarlardy kóterme jáne bólshek saýdada naryqtyq baǵadan tómen baǵamen satyp ala alady. Kóterme-taratý oıtalyǵy «Bıznestiń jol kartasy» jáne «Qarapaıym zattar ekonomıkasy» memlekettik baǵdarlamalary aıasynda qoldaý tapty.

Nysan óz jumysyn barlyq qajetti sanıtarlyq-epıdemıologııalyq erejelerdi saqtaı otyryp bastaıdy. Ázirge jeke kireberisteri bar jabyq pavılondar jumys isteıtin bolady, úlken SOO karantındik shekteýler alynǵannan keıin jumys isteıdi.







Kóterme-logıstıkalyq ortalyq - bul azyq-túlik ónimderin saqtaýǵa, suryptaýǵa jáne satýǵa bolatyn iri hab jobasy. Eń bastysy, munda kókónis pen jemisterdi deldalsyz júzege asyrylady, bul Qaraǵandy naryǵynda ǵana emes, respýblıkanyń basqa da óńirlerinde de baǵany tómendetýge múmkindik beredi.

Keshen qurylysynyń maqsaty kásipkerler men aýyl sharýashylyǵy taýarlaryn óndirýshilerdiń bıznes júrgizýi úshin barynsha qolaıly jaǵdaılar jasaý, saýda operatsııalarynan alypsatarlardy alshaqtatý bolyp tabylady. Bul sońǵy tutynýshy úshin baǵanyń tómendeýine, sondaı-aq qalalyqtardy árdaıym qoljetimdi baǵamen jańa ónimdermen qamtamasyz etýge múmkindik berýi tıis. Kókónister men jemister barlyq kórshiles elderden - Qyrǵyzstan, Ózbekstan, Reseı jáne t.b., sondaı-aq elimizdiń ońtústik óńirlerinen túsetin bolady. Kóterme-taratý ortalyǵy bazasynda jaqyn arada bızneske yńǵaıly bolý úshin keden jumys isteı bastaıdy.




- Kóterme-taratý ortalyǵy platformasynda saýda - sattyqtyń barlyq spektrleri shoǵyrlanǵan - iri kóterme saýdadan bólshek saýdaǵa deıin. Bul satyp alýshylar úshin baǵany tómendetýge múmkindik beredi jáne kásipkerler úshin tıimdi bıznes júrgizýge septigin tıgizedi. Sondaı-aq, bizde «Magným» jáne «Sýlpak» zamanaýı bólshek saýda jelileri usynylady, - dedi «Alfarýh» JShS dırektory Igor Mılıýkov.




Bólshek saýda úshin aýdany 42 myń sharshy metr saýda-oıyn-saýyq ortalyǵy, 149 jeke turǵan saýda pavılony jáne aýdany 2 myń sharshy metr mamandandyrylǵan et pavılony salyndy.

Munda iri kóterme saýda oryndary úshin ártúrli temperatýralyq rejımdegi klımattyq qoıma, qurǵaq qoıma, ÝSQ, temirjol tuıyǵy, kóterme krany bar konteınerlik alań, kedendik resimdeý aımaǵy, tıeý-túsirý tehnıkasy qarastyrylǵan.

Aýmaqta kross-DOK ornalasqan, olar bir mezgilde 164 júk kóligin qabyldaı alady.

Ortalyqtyń yńǵaıly kóliktik logıstıkasy bar - Qaraǵandynyń Nur-Sultan, Pavlodar jáne Almaty baǵyttaryna qosatyn jol aıryqtaryna tikeleı jol bar.

Keshen aýmaǵy 60 ga quraıdy, odan ári 100 ga deıin keńeıtiledi, onda saýda-qoıma qyzmetimen baılanysty jańa ınfraqurylymdyq nysandar salý josparlanýda.

Sondaı-aq, «Tsıfrlyq Qazaqstan» baǵdarlamasy boıynsha munda fermerler men satyp alýshylar úshin elektrondyq saýda alańy qurylady jáne bıznes-úderisterdi basqarýdy avtomattandyrý qamtamasyz etiledi.

Esterińizge sala keteıik, Global City kóterme-taratý ortalyǵynyń jobasy «Alfarýh» JShS Elbasy Nursultan Nazarbaevtyń tapsyrmasy boıynsha júzege asyrylýda. Joba quny shamamen 24 mlrd teńgeni quraıdy. Ony júzege asyrý aıasynda 5 myń jumys orny ashylady.














Joǵary qaraı