Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda eriktiler 500-ge jýyq muqtaj otbasyna kómek kórsetedi

2021 jyldyń 20 qazan 2021 18:09

QARAǴANDY. QazAqparat – Qaraǵandy Jastar resýrstyq ortalyǵynyń eriktileri 480 otbasyna, onyń ishinde 1 153 adamǵa qoldaý kórsetedi. Bul adamdarǵa turaqty negizde kómek kórsetiledi. Olardyń kópshiligi zeınetkerler, dep habarlaıdy QazAqparat tilshisi.

2020 jyldan bastap Qalalyq resýrstyq ortalyq Jastar birge jobasyn iske asyrylyp jatyr.

«Qazirgi ýaqytta qalamyzda 42 volonterlik uıym jumys isteıdi. Bul negizinen stýdentter, biraq mektep oqýshylary da, eresekter de bar. Igi isterdi biz kásipkerlerdiń demeýshiligimen júzege asyra alamyz. Pandemııa basylyp, jumys azaıa bastaǵan kezde eriktiler shynymen muqtaj jandarǵa – jalǵyz basty zeınetker, múmkindigi shekteýli adam, az qamtylǵan jáne kóp balaly otbasylarǵa kómektesti», – deıdi Qaraǵandy qalasynyń Jastar resýrstyq ortalyǵynyń basshysy Symbat Áýbákirova.

Ortalyqta kóptegen jobalar men turaqty aktsııalar bar. «Ardaǵym – ardagerim» jobasy aıasynda eriktiler jalǵyz turatyn zeınetkerler men UOS jáne eńbek ardagerlerine kómek kórsetedi. Olar úıdi tazalaıdy, azyq-túlik pen dári ákep beredi, emhana, bank jáne poshtaǵa barady.




Aı saıyn eriktiler qajetti taýarlardan jınaqtalǵan azyq-túlik sebetin tasymaldaıdy. Olardy kóp balaly jáne az qamtylǵan otbasylar, múmkindigi shekteýli adamdar jáne múgedek balalardy tárbıelep otyrǵan otbasylar alady. Aı saıyn eriktiler 20 jańa otbasyna barady. Aktsııa jarty jylǵa eseptelgen.

Eriktiler turǵyndar arasynda koronavırýs týraly túsindirý jumysyn júrgizedi. Aqparattyq býklet pen medıtsınalyq maska taratady.

Jastardyń esirtkini paıdalanbaýy úshin polıtsııamen birge senbilik jáne ıýasqa da is-sharalarǵa qatysady.

14 jasqa tolǵan kez kelgen qaraǵandylyq erikti bolýyna múmkindik bar. Ortalyqta jańadan kelgender tegin oqytylady. Dáriste zańdar men minez-qulyq etıkasy túsindirledi. Ulttyq eriktiler jelisiniń jetekshileri tájirıbesimen bólisedi. Munda olar alǵashqy medıtsınalyq kómek kórsetý jáne TJ kezinde kómek kórsetý daǵdysyn úırenedi.

Janaraı Sanaqbaı 2019 jyly erikti bolyp qyzmet etti. Boıjetken árqashan muqtaj jandarǵa kómekteskisi keledi. Búginde ol VolteQ eriktiler korpýsynyń jetekshisi.

«Qazir biz Jastar birge jobasy boıynsha jumys istep jatyrmyz. Aı saıyn az qamtylǵan otbasylarǵa azyq-túlik jetkizemiz. Esirtki jarnamasyn boıyp tastaımyz, polıtsııa basqarmasymen birlesken osyndaı reıdterge baramyz. Qart adamdarǵa úı sharýasyna kómektesemiz. Men erikti bolǵyp keldi, sebebi ıgi isterimiz úshin adamdardan alǵys alamyz. Siz kómektesetin adamdardyń qýanyshty júzi erekshe sezim syılaıdy. Ásirese kóp balaly otbasylarmen jumys istegendi unatamyn. Balalardyń emotsııasy, kúlkisi eshteńemen salystyrýǵa kelmeıdi. Men medbıke mamandyǵyn oqımyn, biraq men eriktiler salasynda ári qaraı qyzmet etemin dep sheshtim», – deıdi Janaraı Sanaqbaı.




Tórt aı buryn zeınetker Valentına Krasnovaǵa onyń tanysy eriktilerdiń telefon nómirin bergen. 76 jastaǵy áıel qatty aýyryp qalyp, oǵan úıde kómek qajet boldy. Valentına Krasnovanyń eki uly bar, olardyń biri Qaraǵandyda turady, sondyqtan keıýanaǵa áleýmettik qyzmetker tıesili emes.

«Biraq ulym da aýyrady, qant dıabeti bar. Kelinimniń de anasy qatty aýyrady. Sondyqtan eshkimnen kómek suraı almaımyn. Eriktilerge rahmet. Olar maǵan bes-alty ret keldi. Dúkenge birneshe ret bardy. Olar úıimdi jınap, tipti perdelerdi sheshýge kómektesti, sodan keıin kelip, ilip berdi. Úıim taza, odan artyq ne qajet. Eriktiler qozǵalysy óte qajet. Kóptegen zeınetkerler qarapaıym kómekke muqtaj bolǵanda, júginetin jerleri bolmaıdy. Qazir ózimdi jaqsy sezinemin, ázirge kómek suramaýǵa tyrysamyn», – deıdi zeınetker.














Joǵary qaraı