Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda dene shynyqtyrý muǵalimi oqýshyǵa qol kótermegen - bilim bólimi

2021 jyldyń 9 qazan 2021 22:15

QARAǴANDY. QazAqparat – Mektep basshylyǵy 13 jasar oqýshynyń anasy balamdy urdy dep aıyp taqqan muǵalim aqtaldy. Oqý ornynda ornatylǵan beınekameradaǵy jazba dene shynyqtyrý pániniń muǵalimi jasóspirimge qol kótermegenin kórsetti. Balanyń anasy ustazdan keshirim surady, dep habarlaıdy QazAqparat tilshisi.

Qaraǵandy qalasynyń bilim bólimi dene shynyqtyrý muǵaliminiń oqýshyǵa qol kótergeni úshin aıyptaý faktisi boıynsha qyzmettik tekserýdi aıaqtady.

Aıta keteıik, buǵan deıin 13 jasar jasóspirim muǵalimniń ony birneshe ret basynan uryp , búkil synyptyń aldyna jelkesinen súıregenin aıtqan bolatyn.

Alaıda beınejazbada mundaı áreket bolmaǵan.

«Balanyń anasy, polıtsııa jáne mektep basshylyǵy mekteptiń sportzalynda ornatylǵan beınekameranyń jazbalaryn birge qarap shyqty. Vıdeoda zorlyq-zombylyq faktileri joq. Beınebaqylaý kamerasyndaǵy jazba dene shynyqtyrý muǵaliminiń balaǵa qol kóterý faktisi bolmaǵanyn kórsetti. Balanyń anasy jaǵdaıdy túsinbegenin aıtyp, tekserilmegen aqparatty jarııa etýge asyqqany úshin keshirim surady. №34 mektep ǵımaratynda pedagogtardyń, ýchaskelik polıtsııa ınspektorlarynyń jáne 7-synyp oqýshysynyń anasynyń qatysýymen quqyq buzýshylyqtyń aldyn alý boıynsha keńes ótkizildi. Tekserý aıaqtaldy», - dep málimdedi Qaraǵandy qalasynyń bilim bólimi.

Dene shynyqtyrý muǵalimi jalǵan aıyp taǵylǵany úshin balanyń anasynan áleýmettik jelide keshirim suraýyn nemese moraldy shyǵyn talap ete me, joq pa - ázirge belgisiz.

Joǵary qaraı