Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandyda Áıelder kásipkerligin damytý ortalyǵy ashyldy

2022 jyldyń 17 naýryz 2022 02:12

QARAǴANDY. QazAqparat – Durys bıznes strategııasyn jasap, startap úshin aqshany qaıdan alýǵa bolady? Qaraǵandy oblysynda kásipkerlik bastamasy bar áıelderge kómek kórsetý ortalyǵy ashyldy. Onyń qyzmetteri tegin, dep habarlaıdy QazAqparat tilshisi.

«Búginde Qaraǵandy óńirinde 42 myńnan astam kompanııany áıelder basqarady. Bul kórsetkish odan da kóp bolýy múmkin. Yntymaqtastyq qorynyń, Ulttyq ekonomıka mınıstrliginiń, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń, «Atameken» UKP seriktestigi aıasynda Qaraǵandyda áıelder kásipkerligin damytý ortalyǵy ashyldy. Respýblıkalyq joba Azııa damý bankiniń qarajaty esebinen qarjylandyrylady jáne BUU-nyń Qazaqstandaǵy Damý baǵdarlamasy iske asyrady», – dedi Óńirlik kásipkerler palatasynyń dırektory Ernar Kúlpeıisov.

Ortalyqta bolashaq kásipker hanymdarǵa da, óz isi barlarǵa da qarjylyq emes qoldaý kórsetiledi. Munda mamandar keńes beredi, jańa baǵyttardy úıretedi, damý jolyn anyqtaýǵa kómektesedi.








«Áıelder kásipkerligi qazir belsendi damýda. Biraq árdaıym aqparat, negizgi bilim, batyldyq jetkiliksiz. Ortalyq jaqsy demeý bolady. Kez kelgen áıel munda habarlasyp, suraqtary men kúmándanǵan máselelerine qatysty jaýap ala alady. Bilikti maman turaqty negizde jumys isteıdi, jumys aptasy barysynda qabyldaıdy», – dep atap ótti Qaraǵandy oblysy isker áıelder keńesiniń tóraıymy Gúlııa Jáńgirova.

Ortalyq 1 naýryzdan bastap jumys isteıdi. Konsýltant Araılym Serikbaıdyń aıtýynsha, jarty aıdyń ishinde 30-dan astam áıel, onyń ishinde shalǵaı aýyldardaǵy bastaýysh kásipker áıelder ótinish bildirgen. Suraqtar negizinen bıznesti júrgizý, memlekettik granttar, sýbsıdııalar alýǵa qatysty boldy. Sondaı-aq bıznes-trenıngter baǵdarlamasyna qyzyǵýshylyq tanytty.

Ortalyq qandaı qyzmet kórsetedi:

- bıznes júrgizý suraqtary boıynsha keńes berý;

- oqytý (trenıngter, sheberlik sabaqtary);

- tálimgerlik (6–9 aı);

- áleýetti jáne suranysty eskere otyryp, bıznesti damytý strategııasyn ázirleý;

- kooperatsııa jáne áleýmettik kásipkerlikke oqytý;

- áıelder kásipkerligi ókilderiniń halyqaralyq jobalarǵa qatysýyna járdemdesý (kásipker áıelderdi habardar etý);

- qarjylandyrýdy tartýǵa oqytý (kraýdfandıng, ınvestıtsııalar, granttar, lızıng).

Áıelder kásipkerligi ortalyǵy myna mekenjaıda ornalasqan: Qaraǵandy q., Ermekov k-si, 29 (1-qabat). Baılanys telefony: (8-7212) 50 64 12.











Joǵary qaraı