Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda «Áýendi Saryarqa» XXII halyqaralyq festıvali ótedi

2021 jyldyń 17 qazan 2021 10:51

QARAǴANDY. QazAqparat – 19–22 qazan aralyǵynda Qaraǵandyda dástúrli «Áýendi Saryarqa» XXII halyqaralyq festıvali ótedi. Іs-sharany uıymdastyrý komıteti tórt kún boıy kórermenniń klassıkalyq, halyqtyq, úrmeli, djaz sııaqty túrli stılder men janrlardaǵy mýzykadan lázzat alýy úshin baryn salmaq, dep habarlaıdy QazAqparat tilshisi.

Festıval 19 qazan saǵat 18:30-da Kenshiler mádenıet saraıynda dástúrli án salý ártisteriniń qatysýymen ótetin kontsertpen ashylady. Kesh qonaqtary: QR eńbek sińirgen qaıratkerleri Ramazan Stamǵazıev, Ardaq Isataeva, Serik Ospanov, Jaqsykeldi Kemalov, Aıtbek Nyǵyzbaev, Nurjan Janpeıisov, «Qurmet» ordeniniń ıegeri Serjan Musaıyn, mádenıet qaıratkerleri Dáýrenbek Arkenov jáne Tolǵanbaı Sembaev.

20 qazan saǵat 18:30-da «Shalqyma» kontsert zalynyń sahnasynda Táttimbet atyndaǵy Qazaq halyq aspaptarynyń akademııalyq orkestri óner kórsetedi. QR eńbek sińirgen qaıratkeri Ramazan Stamǵazıev pen Ázerbaıjannyń eńbek sińirgen qaıratkeri Sahıb Pashazade solısterdiń qatarynda. Dırıjerler – QR eńbek sińirgen qaıratkeri Abdýǵalısyn Shoqanbaev jáne halyqaralyq baıqaýlardyń laýreaty Erlan Baqtygereı.

Sol kúni tsırkte saǵat 19:00-de Qaraǵandy Djaz orkestriniń kontserti ótedi. Djaz festıvalderiniń solıst-laýreattary Iren Aravına (vokal, Almaty q.) jáne Maksım Andreıchenko (saksofon, Kalınıngrad q.) óner kórsetedi. Áýendi kesh QR eńbek sińirgen qaıratkeri Igor Andreıchenkonyń dırıjerligimen ótedi.

Klassıkalyq mýzyka súıer qaýymdy 21 qazan kúni saǵat 18:30-da «Shalqyma» KZ-da QR eńbek sińirgen qaıratkeri Petr Grıbanovtyń dırıjerlik basqarýymen Erkeǵalı Rahmadıev atyndaǵy sımfonııalyq orkestrdiń kontsertine shaqyrady. Solıst – halyqaralyq baıqaýlardyń laýreaty Mıroslav Kýltyshev (fortepıano, Máskeý q.).

Festıvaldiń jabylý saltanatynda 22 qazan saǵat 18:30-da tsırkte «Arqa sazy» folklorlyq ansambli men «Aqqý» folklorlyq-horeografııalyq ansambliniń kontserti ótedi. Kesh qonaǵy Tájikstan Respýblıkasynyń Mádenıet salasynyń úzdigi Haırolla Dadoboev (soqpaly aspaptar, Dýshanbe q.).


Joǵary qaraı