Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda 2-synyp oqýshysyn dárethanaǵa jibermeı qoıǵan muǵalim jumystan bosatyldy

2021 jyldyń 9 qazan 2021 23:48

QARAǴANDY. QazAqparat – Qaraǵandyda №1 gımnazııanyń muǵalimi oqýshyny dárethanaǵa jibermeı qoıǵany anyqtaldy. Saldarynan ekinshi synyp oqýshysy synyptastarynyń aldynda sabaq kezinde kishi dáretke otyryp qoıǵan, dep habarlaıdy QazAqparat tilshisi.

Qaraǵandy qalasynyń bilim bóliminde ekinshi synyp muǵaliminiń áreketine qatysty qyzmettik tergeý aıaqtaldy.

Sabaq barysynda oqýshylardyń biri dárethanaǵa barýdy ótingen. Alaıda muǵalim balany jibermeı, ol sabaq barysynda kishi dáretke otyryp qoıǵan.

Sodan keıin muǵalim balanyń anasyna qońyraý shalyp, ulyna taza kıim ákelýin ótingen.

Muǵalim dárethanaǵa jibermeı qoıǵanyn bala tek úıinde aıtqan.

Oqýshynyń anasy mektep basshylyǵyna balasyna osyndaı áreket jasalǵanyn aıtyp, shaǵym túsirgen. Osy áreketi úshin muǵalim jumystan bosatyldy.

«Muǵalimniń is-áreketinde fýnktsıonaldyq mindetterdiń buzylýy, sondaı-aq bolǵan jaǵdaı týraly mektep dırektoryn ýaqtyly habardar etpegeni belgili boldy. Muǵalim dereý anasyna oqıǵanyń sebepteri týraly habarlap, keshirim suraýy kerek edi. Ustaz qatań sógis túrinde tártiptik jaýapkershilikke tartylyp, 8 qazannan bastap jumystan bosatyldy», - dep habarlady Qaraǵandy oblysynyń bilim salasyndaǵy sapany qamtamasyz etý departamenti.


Joǵary qaraı