Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda 15 konfessııanyń ókilderi vaktsınatsııa pýnktinde ekpe aldy

2021 jyldyń 22 sáýir 2021 17:23

QARAǴANDY. QazAqparat – Qaraǵandynyń 20-ǵa jýyq din qyzmetkeri koronavırýsqa qarsy «Spýtnık V» vaktsınasymen ekpe jasatty, dep habarlaıdy QaAqparat tilshisi.

Immýndaý №3 emhananyń vaktsınatsııa pýnktinde ótti. «Barlyǵy vaktsınatsııaǵa!» aktsııasyn Qaraǵandy oblysynyń din isteri basqarmasy óńirdegi dinı birlestikter basshylary klýbymen birlesip uıymdastyrdy.

Vaktsınatsııaǵa bir ýaqytta 15 konfessııanyń ókilderi keldi. Olardyń barlyǵy vaktsınatsııanyń qaýipsizdigin jeke mysalmen kórsetýge nıetti. Alaıda, keıbir dindarlar arasynda oraza jáne post kezinde vaktsınatsııa jasatýǵa bolmaıtyndyǵy týraly pikir bar. Biraq barlyq dinbasylar munyń bári teris pikir ekenin aıtýda.




«Aýyz bekitý kezinde vaktsınatsııadan ótýge bolady. Bul, eshqandaı buzýshylyq sanalmaıdy. Bul jóninde Qazaqstan musylmandary dinı basqarmasynyń fátýási shyqty. Eger vaktsınatsııadan keıin janama áserler bolsa, onda 1-2 kún oraza ustamaýǵa ruqsat etiledi. Búginde Qaraǵandyda toǵyz ımam egildi. Jamaǵat arasynda vaktsınatsııa jasatqandar óte kóp. Olardyń aıtýynsha, bári oıdaǵydaı ótti», - dep túsindirdi Qaraǵandy oblysynyń bas ımamy Ómirzaq Bekqoja.





№3 emhananyń dırektory Sánııa Boranqulovanyń aıtýynsha, aýyz bekitken adamdarǵa keshki ýaqytta aýyzashardyń aldynda vaktsınalaýǵa kelgen jón. Eger aýyrsyný paıda bolsa, dári qabyldaýǵa bolady.

«Bizdiń emhanada bes ekpe kabıneti bar. Kún saıyn 300-400 adamdy egemiz. Barlyǵyn egjeı-tegjeıli túsindiremiz. Jaǵymsyz áserler joq. Qyzba, álsizdik jáne bas aýrýy sekildi boljamdy áserler bolýy múmkin. Biraq olar bir kún ishinde ótedi. Búgingi tańda bizdiń emhanada 4 myńnan astam adam egildi. Vaktsınatsııany oblys dinbasylary da qoldady», - dep atap ótti №3 emhana basshysy.

Orys pravoslav shirkeýiniń Qaraǵandy eparhııasy protoıereı Aleksandr Ýgolkovtyń pikirinshe, vaktsınatsııanyń kez kelgen em sekildi, postqa eshqandaı qatysy joq.

«Eger adam aýyryp qalsa, onda ol eshteńege qaramaı emdeledi. Men vaktsınatsııadan ótemin dep sheshtim. Óıtkeni men basqa adamdarǵa aýrý juqtyrýdan qorqamyn. Ótken jazda koronavırýspen aýyrdym, aýrýhanada jattym. Eger biz dertke qandaı da bir jolmen, atap aıtqanda vaktsınatsııa arqyly qarsy tura alsaq, onda biz ony jasaýymyz kerek. Bul – meniń oıym», – dedi pravoslav dinı qyzmetkeri.

Ony katolık pastory Evgenıı Zınkovskıı de qoldaıdy.

«Katolıktik qaǵıdattarǵa sáıkes – vaktsınatsııaǵa qarsylyq joq. Men ózim vaktsınaǵa senemin. Eki kún buryn birinshi komponentti aldym», – dep Qaraǵandy oblysynyń Rım-katolık eparhııasynyń bas vıkary óz tańdaýyn jasady.

Qaraǵandy oblysynyń evreı qaýymynyń basshysy Asher Týmarkınniń pikirinshe, densaýlyq máseleleri boıynsha dárigerlerge júginý qajet.

«Dárigerlerdi tyńdap, mindetti túrde vaktsınatsııadan ótýlerińiz kerek. Ótken jyly biz kóp nárseni bastan ótkerdik. Vaktsına – bul dertti toqtatatyn jáne jaǵdaıdy jaqsy jaqqa ózgertetin ádis», - deıdi ravvın.

Basqa din ókilderi de ımmýnızatsııaǵa degen kózqarasyn bildirdi.

«Qasıetti jazbada vaktsınalaýǵa tyıym joq. Pandemııany jeńý úshin – egý mańyzdy. Bul durys, qajetti jáne erikti rásim. Barshańyzǵa densaýlyq tileımiz!», - deıdi Qaraǵandy oblysynyń evangelııalyq-lıýterandyq baýyrlas prıhodynyń jetekshisi Petr Jasınas.

«Eger ekpe pandemııany jeńýge kómektesse, eger ekpe bizdi jáne otbasymyzdy aýrýdan qorǵaıtyn bolsa, onda ol – ómirlik qajet», - dep Qaraǵandy oblystyq Soznanıe Krıshny qoǵamynyń basshysy Sergeı Saldın óz pikirin bildirdi.

Osylaısha, dinbasylar, dárigerler sııaqty, ımmýndaý pandemııany jeńýdiń jalǵyz joly dep sanaıdy.





Joǵary qaraı