Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy soty oqýshy qyzdy zorlaǵan 17 jasar jigittiń úkimin ózgerissiz qaldyrdy

2021 jyldyń 28 qazan 2021 12:45

QARAǴANDY. QazAqparat – Qaraǵandyda kámeletke tolmaǵan qyz balany zorlaǵany úshin 7,6 jylǵa bas bostandyǵynan aıyrylǵan 17 jastaǵy jigit jazasyn qaıta qaraýdy surady. Alaıda apellıatsııa alqasy úkimdi ózgerissiz qaldyrdy, dep habarlaıdy QazAqparat tilshisi.

Esterińizge sala keteıik, 2020 jyldyń maýsym aıynda Topar kentiniń mańyndaǵy sý qoımasynyń jaǵasynda sottalýshy tanys jasóspirim qyzdy zorlaǵan bolatyn.

Ol kezde jigit mas bolǵan. Qaraǵandy oblysynyń qylmystyq ister jónindegi mamandandyrylǵan aýdanaralyq soty barlyq dáleldemeler men saraptama nátıjelerin qarap shyǵyp, sottalýshyny 7,6 jyl merzimge sottady.

«Sottalýshynyń kinási jábirlenýshiniń, onyń zańdy ókiliniń, kýágerlerdiń aıǵaqtarymen, dene jaraqattarynyń bar-joǵy týraly sot-medıtsınalyq saraptamanyń qorytyndysymen, bıologııalyq jáne molekýlalyq-genetıkalyq saraptamalardyń qorytyndylarymen dáleldendi. Jaza taǵaıyndaý kezinde sot zańda tikeleı kórsetilgen jeńildetetin jaǵdaıdy – sottalýshynyń kámeletke tolmaǵan jasyn eskerdi. Tergeýshi jasaǵan aıyptaý aktisine sáıkes aýyrlatatyn jaǵdaılar joq. Mundaı jaǵdaıda sot olardy óz bastamasy boıynsha tanýǵa quqyly emes. QK-tiń 81-babyna sáıkes kámeletke tolmaǵandar úshin bas bostandyǵynan aıyrý merzimi 10 jyldan aspaýy tıis», - dep túsindirdi Qaraǵandy oblystyq sotynyń baspasóz qyzmeti.

Jaqynda sottalýshynyń advokaty apellıatsııalyq shaǵym túsirdi.

«Qaraǵandy oblysynyń mamandandyrylǵan aýdanaralyq qylmystyq sotynyń úkimi ózgerissiz qaldy. Sot sottalǵan adamǵa zańda kózdelgen barynsha qatań jaza taǵaıyndady. Úkim zańdy kúshine endi», - dep túsindirdi oblystyq sottyń baspasóz qyzmeti.


Joǵary qaraı