Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy polıtseıleri Qyzyl kitapqa engen janýarlardyń 274 múıizin tárkiledi

2021 jyldyń 17 sáýir 2021 18:15

QARAǴANDY. QazAqparat - Qaraǵandy oblysynyń Jańaarqa aýdanynda kóliginde 274 kıik múıizi men túrli markaly qarýy bar úsh er adam quryqtaldy. Ustalǵandar jeti jylǵa deıin bas bostandyǵynan aıyrylýy múmkin, dep habarlaıdy QazAqparat tilshisi.

Qaraǵandy oblysy Polıtsııa departamentiniń krımınaldyq polıtsııa basqarmasynyń qyzmetkerleri Qyzyl kitapqa engizilgen janýarlardyń múıizderin satý salasyndaǵy qylmystardy anyqtaý jáne jolyn kesý boıynsha is-sharalardy ótkizý barysynda 15 sáýir kúni Qaraǵandy oblysy Jańaarqa aýdany kentteriniń birinde 34 jastaǵy er adamnyń basqarýyndaǵy avtokólikti ustady.

«Atalǵan kólik quralynyń salonynda Jańaarqa aýdanynyń 34 jastaǵy turǵyny jáne Qaraǵandy qalasynyń 28 jastaǵy eki turǵyny bolǵan. Tekserý jáne tergeý amaldary kezinde polıtseıler ustalǵandardan 274 kıik múıizi men túrli markaly qarý tárkiledi», - dedi oblystyq PD bastyǵynyń orynbasary Ábil Ábildın.

Atalǵan fakti boıynsha QR QK 339-baby «sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikteri men derıvattaryn zańsyz paıdalaný» boıynsha sotqa deıingi tergeý bastaldy. Osy baptyń sanktsııasy jeti jylǵa deıingi merzimge bas bostandyǵynan aıyrý túrindegi jazany kózdeıdi. Sondaı-aq, QR QK 287-baby «oq qarýyn zańsyz saqtaý» boıynsha tergeýden ótedi. Tergeý amaldary júrgizilýde. Ustalǵandar qamaýǵa alyndy.


Joǵary qaraı