Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy perınataldyq ortalyǵy bosanatyn áıelderdi jańartylǵan jaǵdaıda qabyldaýǵa daıyn

2022 jyldyń 29 qańtar 2022 08:53

QARAǴANDY. QazAqparat – Qaraǵandy oblystyq №1 perınataldyq ortalyǵynda kúrdeli jóndeý aıaqtaldy. Ǵımaratta jarty ǵasyrdan astam ýaqyt boıy kúrdeli qurylys jumystary júrgizilmegen. Jańartylǵan perzenthana zamanaýı medıtsınalyq quraldarmen jabdyqtaldy, sondaı-aq SOS-júıesi – dabyl túımeleri ornatyldy, dep habarlaıdy QazAqparat tilshisi.

Naýqastarǵa arnaıy bilezikter beriledi, olar sý ótkizbeıdi.

Qońyraý shalǵan kezde qyzmetkerler birneshe mınýt ishinde jaýap beredi, sebebi sıgnal uıaly telefondarǵa túsedi.

Bosanatyn áıelder men jańa týǵan náresteler úshin ortalyqta qandaı jaǵdaılar jasalǵanyn óńir basshysy Jeńis Qasymbek kórip qaıtty.

1965 jyly salynǵan ǵımarat úlken ózgeristerdi qajet etti. Qazir jańa operatsııalyq blok pen toǵyz bosaný palatalaryna arnalǵan reanımatsııa zaly jabdyqtalǵan.

Narkozdy-tynys alý apparattary, júkti áıelderge arnalǵan KTG-apparattary, operatsııalyq emdeýge arnalǵan fýnktsıonaldyq ústel jáne taǵy basqalar satyp alyndy.

Jańa týǵan náresteni qabyldaýǵa arnalǵan transformatorlyq kereýetter bar. Aıta ketý kerek, oblystyń kez kelgen medıtsınalyq mekemesinde mundaı tósek bola bermeıdi. Sondaı-aq, jylytylatyn balalar ústelderi paıda boldy. Patologııalary bar jańa týǵan nárestelerdi kútý jáne reanımatsııalaý úshin barlyq qajetti jabdyqtar bar.




«Perzenthananyń qýattylyǵy – 175 tósek-oryn. Jaıly palatalardaǵy jaǵdaı úıdegi jaǵdaıǵa jaqyn», – deıdi №1 perınataldyq ortalyqtyń jetekshisi Aleksandra Motorgına.

SOS júıesi de uıymdastyrylǵan. Bul qyzmetkerlerdi shaqyrýǵa jáne shuǵyl áreket etýge, patsıentterge alǵashqy kómek kórsetýge arnalǵan medıtsınalyq júıe. Aqparat uıaly telefonǵa túsedi, onda kómekke muqtaj palata men bólim kórsetiledi. Bul telefondar barlyq qabattarda jáne qabyldaý-dıagnostıkalyq bólimde ornalasqan. Barlyq palatalarda sanıtarlyq-dýsh bólmeleri paıda boldy – buryn ondaı bolmaǵan. Ǵımaratta ventılıatsııa júıesi tolyǵymen aýystyryldy.

«Aýrýhana óte jaqsy, taza, keń. Medıtsına qyzmetkerleri óte meıirimdi. Maǵan bári unady. Men munda birinshi ret keldim», – deıdi naýqas Malıka Dınasılova.

Qabyldaý-dıagnostıkalyq bólimshesi halyqaralyq trıaj (KJ) júıesi boıynsha jumys isteıtin bolady. Bul búkil álemdegi aýrýhanalarda qoldanylatyn jáne naýqastardy jedel kómek kórsetý negizinde taratatyn patsıentterdi medıtsınalyq suryptaý.

Qabyldaý aımaqtary túrli-tústi bolyp bólingen. Josparly naýqastar «jasylǵa» barady. Áıelge shuǵyl kómek qajet bolmasa, «sary» aımaqqa ótedi. Al «qyzyl» aımaqqa ómiri dárigerlerdiń shuǵyl kómegine táýeldi adamdar barady.




Perzenthanada jańa týǵan náresteler men salmaǵy óte tómen balalarǵa reanımatsııalyq kómek kórsetetin jansaqtaý palatalar bar. 22 aptadan bastap dene salmaǵy 540 grammnan bastalatyn shala týǵan náresteler perınataldy blokta emdeledi.

Jyl saıyn munda bes myńǵa jýyq sábı dúnıege keledi.

2000 jyly DDU /ıÝNISEF baǵdarlamasy boıynsha Qaraǵandy perzenthanasy «Balaǵa dostyq qarym-qatynas aýrýhanasy» mártebesin aldy. Ótken jyly bul mártebe rastaldy.

Jeńis Qasymbek qyzmetkerlermen kezdesip, jumys máselelerin talqylap, dárigerlerge kásibıligi úshin alǵysyn bildirdi.

«Igi eńbekterińiz úshin kóp rahmet! Qaraǵandy oblysynyń barlyq turǵyndary atynan sizderge alǵys aıtqym keledi. Sizder kótergen barlyq máselelerdi biz sheshetin bolamyz. Eger qandaı da bir basqa problemalar bolsa, men árkimdi qabyldaýǵa jáne tyńdaýǵa árqashan daıynmyn», – dedi oblys ákimi.


























Joǵary qaraı