Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń jastar saıasaty basqarmasyna jańa basshy keldi

2021 jyldyń 25 qańtar 2021 10:01

QARAǴANDY. QazAqparat - Qaraǵandy oblysynyń jastar saıasaty basqarmasyna jańa basshy taǵaıyndaldy. Bul qyzmetti endi Birjan Álimjanov atqarady, dep habarlaıdy QazAqparat oblys ákimdiginiń resmı saıtyna silteme jasap.

Óńir ákimi Jeńis Qasymbek onlaın rejımde ótken jınalys barysynda áriptesterine basqarma basshysyn tanystyrdy.

Birjan Álimjanov Almaty oblysynyń Petropavlovka aýylynda dúnıege kelgen.

E.A. Bóketov atyndaǵy Qaraǵandy memlekettik ýnıversıtetin bitirgen.

Ol - «baǵalaýshy» mamandyǵy boıynsha qyzmet kórsetý salasynyń bakalavry, memlekettik jáne jergilikti basqarý magıstri.

Praga qalasyndaǵy Joǵary ekonomıka mektebinde halyqaralyq taǵylymdamadan ótken.

Qaraǵandy qalalyq máslıhatynyń V jáne VI shaqyrylymynyń depýtaty, «Nur Otan» partııasynyń múshesi.

«Jastar saıasatyn damytýǵa qosqan úlesi úshin» nomınatsııasy boıynsha «Qaınar» syılyǵynyń laýreaty atanǵan.

Eńbek jolyn 2010 jyly «Qaraǵandy oblysynyń Jastar odaǵy» QB tóraǵasy retinde bastaǵan.

Jastar isi jónindegi ortalyqtyń jetekshi mamany jáne dırektory qyzmetin atqarǵan. 2016 jyly Nur-Sultan qalasynyń til saıasatynyń saraptama jáne monıtorıng basqarmasyna sarapshy retinde shaqyrylǵan.

Dál sol jyly Kásibı sheberlik jáne WorldSkills qozǵalysyn damytý jónindegi basqarmada aldymen menedjer, sonan soń bas menedjer bolǵan.

2018 jylǵy qyrkúıekte Birjan Álimjanovty bilimdi qarjylandyrý memlekettik júıesin damytý jáne stýdenttik jataqhanalar operatorlyǵy jónindegi basqarma dırektorynyń orynbasary etip taǵaıyndaǵan.

Sońyra ol «Qarjy ortalyǵy» AQ Stýdenttik jataqhanalar operatorlyǵy jónindegi departamentiniń dırektory laýazymyna taǵaıyndalyp, osy ýaqytqa deıin sol qyzmetti atqaryp kelgen.

Joǵary qaraı