Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń turǵyny qystaqtan mal izdeýge shyǵyp, joǵalyp ketken

2020 jyldyń 2 jeltoqsan 2020 13:18

QARAǴANDY. QazAqparat – Qaraǵandy oblystyq Tótenshe jaǵdaılar departamentiniń qyzmetkerleri qar qursaýynda qalǵan kólik jolaýshylaryn qutqardy. Sondaı-aq mal izdeýge shyǵyp, joǵalyp ketken adamdy tapty, dep habarlaıdy QazAqparat tilshisi.

29 qarasha kúni saǵat 01:40-ta Aqtoǵaı aýdany Saryterek aýyldyq okrýginde er adamnyń joǵalyp ketkeni týraly aqparat túsken. Málim etilgendeı, 28 qarasha kúni Jetimshilik aýylynan batysqa qaraı 15 km jerdegi Úshshilik qystaǵynan 29 jastaǵy er adam jaıaý mal izdeýge shyǵyp, qaıtyp oralmaǵan.

«Oqıǵa ornyna TJD, polıtsııa qyzmetkerlerinen, jergilikti turǵyndardan quralǵan izdeý toby shyqty. 29 qarasha kúni saǵat 22:00-de joǵalǵan adamdy polıtsııa qyzmetkerleri Aqtoǵaı aýylynan ońtústik-shyǵysqa qaraı 15 km jerdegi aýylaralyq joldan tapty. Medıtsınalyq kómek qajet bolmady», - dedi Qaraǵandy oblysy TJD baspasóz qyzmetinde.

Dál sol kúni saǵat 16:55-te Abaı aýdanynda Sarepta aýylynan ońtústik-shyǵysqa qaraı 15 km jerde TJD bólimsheleriniń kúshimen qar qursaýynan 2 adam qutqarylyp, Sarepta aýylyna jetkizildi. Medıtsınalyq kómek qajet emes edi.

«Aýa raıy nasharlaǵanda alys qashyqtyqqa jol júrýden bas tartqan jón. Jaqyndaryńyzǵa qaıda jáne qashan jol tartqanyńyz týraly eskertińiz. Bul aqparat jazataıym oqıǵalar bolyp qalsa, shuǵyl túrde kutqarýǵa úlken septigin tıgizedi», - deıdi qutqarýshylar.





Joǵary qaraı