Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń kolonııalarynda vaktsınatsııanyń birinshi kúni 600 adam ekpe aldy

2021 jyldyń 16 sáýir 2021 08:49

QARAǴANDY. QazAqparat – Qaraǵandy oblysynyń túrmelerinde ekpe salý naýqany júrgizilýde. Alǵashqy táýlikte óńir mekemelerinde 548 sottalǵan adam vaktsına aldy, dep habarlaıdy QazAqparat tilshisi.

Aǵymdaǵy jyldyń 1 aqpanynda Qazaqstanda halyqty SOVID-19 koronavırýstyq ınfektsııasyna qarsy vaktsınatsııalaý bastaldy. Bul naýqan bas bostandyǵynan aıyrý oryndarynda otyrǵan adamdardy da aınalyp ótpedi. Qaraǵandy oblysynyń aýmaǵynda 10 mekeme ornalasqan, olarda 4000-ǵa jýyq sottalǵandar qylmystyq jazasyn ótep jatyr.

Alǵashqylardyń biri bolyp Kóksý kentindegi AK-159/9 mekemesinde jazasyn óteýshi áıelderdi vaktsınatsııalaı bastady. Tek alǵashqy kúnderi Qaraǵandy oblysynda 228 sottalǵan áıel men 320 er adam vaktsına aldy.




«Emhananyń terapevt dárigeri sottalǵandarmen aýmaqtyq bekitý boıynsha túsindirý jumystaryn júrgizedi, egý preparaty týraly tolyq aqparat beredi. Saýalnama da júrgiziledi. Ekpe alatyn adam erikti kelisimge nemese bas tartýǵa qol qoıady. Protsedýra 21 kúndik aralyqpen eki kezeńnen turady. Covid-19-ǵa qarsy vaktsınatsııalaý aldynda medıtsınalyq tekserý júrgiziledi. Egilgender 30 mınýt boıy medıtsınalyq bólimde baqylaýda bolady», - dep habarlady Qaraǵandy oblysy boıynsha QAJD emdeý-aldyn alý jumysy jónindegi bastyǵynyń orynbasary ádilet polkovnıgi Klara Hasenova.



Joǵary qaraı