Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń kıeli jerlerine ekskýrsııalyq týrlar uıymdastyrylady

2021 jyldyń 20 sáýir 2021 06:00

QARAǴANDY. QazAqparat – Halyqaralyq eskertkishter men tarıhı oryndardy qorǵaý kúni jáne «Igi ister marafony» jalpyulttyq jobasy aıasynda Qaraǵandy oblystyq tarıhı-ólketaný murajaıy Taldy arheologııalyq parkinde ekotýr uıymdastyrdy. Іs-sharany mádenıet, arhıvter jáne qujattama basqarmasy jáne tarıhı-mádenı murany saqtaý ortalyǵy qoldady, dep habarlaıdy QazAqparat tilshisi.

Shet aýdanyndaǵy Taldy arheologııalyq parkine Jastar resýrstyq ortalyǵynyń ókilderi, oqytýshylar, oqýshylar jáne murajaı qyzmetkerleri attandy. Munda olar biregeı tarıhı eskertkishtermen tanysyp qana qoımaı, uqypsyz jerlesteriniń qaldyrǵan qoqystaryn tazalaı aldy.

Taldy arheologııalyq parki tas, qola dáýiri, erte temir ǵasyry, orta ǵasyr jáne etnografııalyq qazirgi zaman sııaqty barlyq tarıhı kezeńderiniń eskertkishteriniń shoǵyrlanǵan jeri bolyp tabylady. Qarajartas qorymyndaǵy eń iri Beǵazy-Dándibaı kesenesin zertteý naǵyz jańalyq boldy. Eskertkish pıramıdalyq-satyly qurylym bolyp tabylady jáne syrtqy túri boıynsha Mysyr men atstek pıramıdalaryna uqsaıdy. 2017 jyly júrgizilgen qaıta qalpyna keltirý jumystary dala pıramıdasynyń kórinisin qalpyna keltirýge múmkindik berdi.

Qaraǵandy oblysynyń mádenıet, arhıvter jáne qujattama basqarmasynyń qyzmetkerleri jáne E.A. Bóketov atyndaǵy Qaraǵandy ýnıversıtetiniń arheolog-ǵalymdary saıabaq qurý jobasyn ázirledi.

Joba boıynsha arheologııalyq zertteýler, qalpyna keltirý jáne konservatsııalaý jumystary júrgizildi. Parkte kúzet taqtalary men nysandardyń ornalasý oryndary kórsetilgen. Qazirgi ýaqytta týrıster úshin qajetti aqparaty bar úsh tilde QR-kody bar bannerlerdi ornatý boıynsha daıyndyq jumystary júrgizilýde.

Aldaǵy ýaqytta Taldy tarıhı-arheologııalyq parki boıynsha ekskýrsııalyq týrlar ázirlenip, synaqtan ótkiziledi, týrıstik jolsiltemeler shyǵarylady.

Joǵary qaraı