Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynyń erekshe sportshylary arasynda jarys bastaldy

2022 jyldyń 18 mamyr 2022 04:37

QARAǴANDY. QazAqparat – Qaraǵandyda eki jyldyq úzilisten keıin tirek-qımyl apparaty buzylǵan, estý jáne kórý múmkindigi nashar sportshylar arasyndaǵy dástúrli oblystyq spartakıadanyń jalaýy qaıta jelbiredi, dep habarlaıdy QazAqparat tilshisi.

Eki kún ishinde 200-den astam sportshy óz sheberlikterin kórsetedi. Olar Qaraǵandy oblysynyń barlyq qalalary men aýdandarynan jınaldy.




Baǵdarlamaǵa sporttyń bes túri engizilgen: shaǵyn fýtbol (estý qabileti tómen), doıby 64 (kórý qabileti nashar), toǵyzqumalaq (kórý qabileti nashar, tirek-qımyl apparaty zaqymdanǵan (TQAZ) sportshylar), jeńil atletıka (TQAZ), ústel tennısi (TQAZ, estý qabileti tómen).

«Qatysýshylar kóp jınalǵanyna qýanyshtymyz. Bul tek sport jarystary ǵana emes, kezdesýler men qarym-qatynas. Búgingi jarys – qyrkúıek aıynda ótetin sýrdlımpıadalyq sport túrleri boıynsha spartakıadaǵa irikteý», – deıdi oblystyq múgedekter sporty boıynsha mamandandyrylǵan mekteptiń basshysy Elena Farhýtdınova.

Jeke jáne komandalyq birinshilikterdegi jeńimpazdar medaldarmen jáne kýboktarmen marapattalady. Esterińizge sala keteıik, 2019 jyly oblystyq spartakıadada Jezqazǵan qalasynyń komandasy birinshi oryn aldy.




















Joǵary qaraı