Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń ákimi jol jóndeý boıynsha qurylysshylarǵa naqty mindet júktedi

2021 jyldyń 13 qazan 2021 15:23

QARAǴANDY. QazAqparat – Qaraǵandynyń Maıqudyq shaǵynaýdanyndaǵy jol jóndeý jumystary eki aýysymmen júrip jatyr. Qaraǵandy oblysynyń ákimi Jeńis Qasymbek jol jóndeýshilerge kólikterdiń kedergisiz júrýin barynsha tezirek qamtamasyz etýdi mindettedi, dep habarlaıdy QazAqparat tilshisi.

Jańa asfalt qazir qala baǵytynda «Kógildir toǵandar» aýmaǵynda salynýda. Qurylysshylar aıdyń sońyna deıin Ońtústik-Shyǵysqa qaraı ótetin jolaıyryǵyna deıingi bólikti aıaqtaımyz dep ýáde berdi.

«Qarqyndy tómendetpeńizder, jumys josparyn oryndaý úshin ár kúndi barynsha paıdalaný qajet. Tehnıka jáne adamdarmen qazir sizderde problema joq, sondyqtan jumys istemeýge eshqandaı sebep joq», – dedi Jeńis Qasymbek.

«Búginde «Syrdarııaǵa» deıin joldyń bir jaǵynda jumystar aıaqtaldy, «Syrdarııaǵa» deıingi aralyqty aıaqtaımyz. Maıqudyqqa barar jaǵynda, M-14-ke deıingi bólshekte tómengi qabattar boıynsha jumystar aıaqtaldy, qozǵalys ashyq. Qazir sol jaq bóliginde jumystar júrgizilýde», – dedi Qaraǵandy qalasynyń jolaýshylar kóligi jáne avtomobıl joldary bóliminiń avtojoldar sektorynyń meńgerýshisi Nurjan Tasmaǵambetov.




Kúrdeli jóndeýmen qatar jaryqtandyrý tirekterin, jol qozǵalysy belgilerin jáne baǵdarsham obektilerin ornatý jumystary júrgizilýde. Búginde Santehnıkalyq kóshesinen Arhıtektýrnaıa kóshesine deıin jáne «Qazaqtelekom» ǵımaratynan Vınnıtskaıa kóshesine deıin jaryqtandyrý jumystary aıaqtaldy. Birtindep tirekter ornatylyp, basqa kósheler qosylýda.

Kógildir toǵandardan Santehnıkalyq kóshesine deıingi bólikte sý jınalatyn jerlerde nóser kárizi ornatyldy. 20 baǵdarsham qarastyrylǵan, onyń 15-i ornatyldy. Joldy 428 tirek pen 328 trotýar shamdary jaryqtandyrady. 16 shaqyrym jaıaý júrginshi joly abattandyrylady.

Jeńis Qasymbek sonymen qatar 7-shi magıstraldi de tekserdi. Onyń basym bóligi ashyq. Qazir qurylysshylar NMK (HMK) aýdanynda, sonyń ishinde jol ótkelinde jumys istep jatyr. Negiz daıyndap, apta sońyna deıin asfalttaýǵa kirisedi. Jóndeýden keıin jol bes jolaqty bolady.











Joǵary qaraı