Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń 86 jastaǵy turǵyny KVI-ǵa qarsy vaktsına aldy

2021 jyldyń 16 sáýir 2021 13:53

QARAǴANDY. QazAqparat – Qaraǵandy oblysy, Buqar Jyraý aýdany Botaqara kentiniń turǵyny Qanaǵat Jumashuly alǵashqylardyń biri bolyp koronavırýsqa qarsy ekpe aldy. Aqsaqal ózin jáne jaqyndaryn juqtyrýdan qorǵaǵysy keledi jáne aýyldastary men oblys turǵyndaryn odan úlgi alýǵa shaqyrady, dep habarlaıdy QazAqparat tilshisi.

Qarııa 86 jasta. Ómir boıy ol esepshi bolyp jumys istegen. Árdaıym óte belsendi bolǵan jáne bos otyrmaýǵa tyrysqan. Sondyqtan zeınetke shyǵyp, bıznespen aınalysýdy sheshken. Qartaıǵanyna qaramastan, jeke kásipkerlik ashyp, aýdan turǵyndaryna salyq esepterin jasaýǵa jáne olardy memlekettik kirister organdaryna tapsyrýǵa kómektesedi.

On tórtinshi sáýirde Buqar Jyraý aýdanynda alǵashqy egý pýnktteri ashylǵan kezde zeınetker vaktsınatsııalaýǵa nıet bildirdi. Emhanaǵa alǵashqylardyń biri bolyp kelgen ol dárigerdiń qaraýynan ótip, «Spýtnık V» vaktsınasynyń birinshi komponentin aldy.

«Men munda týǵan-týystaryma, jaqyndaryma, sondaı-aq aýyldastaryma úlgi kórsetý úshin keldim. Densaýlyqty saqtaý úshin árqaısymyz vaktsınatsııadan ótýimiz kerek. Qorqýdyń qajeti joq! Eger biz qorqatyn bolsaq, jaǵdaı tek nasharlaı túsedi. Jaqsylyqqa sený kerek. Maǵan qarańyzdarshy, men 86 jastamyn, tolyqqandy ómir súrgim keledi», - dep atap ótti Qanat Jumashuly.

Óz isinen basqa, aqsaqal sportpen de belsendi aınalysady. Bılıard, shahmat, doıby oınaǵandy unatady. Onyń 10 balasy, 21 nemeresi jáne 11 shóberesi bar

Aıta ketý kerek, búgingi tańda Buqar Jyraý aýdanynda úsh vaktsınatsııa pýnkti jumys isteıdi: ekeýi Botaqara kentiniń emhanasynda jáne bireýi Ǵabıden Mustafın atyndaǵy aýylda. Egý naýqany bastalǵannan beri barlyǵy 285 adam «Spýtnık V» vaktsınasynyń birinshi komponentin aldy.


Joǵary qaraı