Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jyl basynan beri 107 órt oqıǵasy tirkeldi

2021 jyldyń 23 qańtar 2021 10:12

QARAǴANDY. QazAqparat – 2021 jyldyń basynan beri Qaraǵandy oblysynda 107 órt tirkeldi, bul ótken jyldyń sáıkes kezeńimen salystyrǵanda 2 ese kóp, dep habarlaıdy QazAqparat tilshisi.

Órtter kezinde 5 adam qaza tapty, 6 adam túrli jaraqat aldy. Sonymen qatar, gazdan 6 adam ýlandy.

Órtterdiń basym bóligi turǵyn úı sektorlarynda bolǵan.

Turǵyn úıde órt týyndaýynyń negizgi sebepteri ot jaǵý kezindegi salaqtyq, pesh jáne elektr aspaptaryn ornatý, montajdaý jáne paıdalaný kezinde órt qaýipsizdigi qaǵıdalaryn buzý bolyp tabylady.

Qaraǵandy oblysy Tótenshe jaǵdaılar departamentiniń qyzmetkerleri órt qaýipsizdigi baǵytynda halyqpen túsindirý jumystaryn úzdiksiz júrgizedi.

«Jylytý kezeńiniń basynan beri 50 myńǵa jýyq aýla aralap, halyqpen 400 jıyn ótkizildi. 152000-nan astam jadynama taratyldy. 2020-2021 jyldardaǵy jylytý kezeńinde halyqtyń áleýmettik osal toptarynyń úılerine 747 datchıkter ornatylyp, 88 úıdiń tútin murjalary tazartyldy», - dep málimdedi Qaraǵandy oblysy TJD ókilderi.

Mamandar órt qaýipsizdiginiń qarapaıym erejelerin eske saldy:

- sóndirilmegen temeki men sirińkege abaı bolyńyz;

- elektr symdary men aspaptarynyń jaramdylyǵyn qadaǵalańyz;

- bir jelige birneshe elektr quralyn qospańyz, bul elektr jelisine shamadan tys salmau túsiredi;

- qoldan jasalǵan elektr jylytý qurylǵylaryn paıdalanbańyz;

- tek jaramdy peshterdi paıdalanyńyz, tútin shyǵatyn murjany tazalap otyryńyz;

- peshti qatty qyzdyrmańyz.


Joǵary qaraı