Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jolǵa shyqpaǵan avtobýstar máselesi sheshildi

2021 jyldyń 28 qazan 2021 14:38

QARAǴANDY. QazAqparat – Qaraǵandy oblysynyń jolaýshylar kóligi jáne avtomobıl joldary basqarmasynyń jáne tasymaldaýshy kompanııanyń basshylyǵymen kelissóz barysynda №3 avtopark óz jumysyn qaıta bastaıtyn boldy. Avtobýstar jolǵa shyǵa bastady, dep habarlaıdy QazAqparat tilshisi.

Eske sala keteıik, búgin tańerteń №3 avtopark jeti baǵyt boıynsha oblysishilik tasymaldaýdy júzege asyratyn avtobýstardy jelige shyǵarmaǵan .

Olar: Qaraǵandy – Temirtaý, Qaraǵandy – Saran, Qaraǵandy – Abaı, Qaraǵandy – Shahtınsk, Qaraǵandy – Shahan, Qaraǵandy – Topar, Qaraǵandy – Egindibulaq baǵyttaryndaǵy jolaýshy tasymaldaıtyn avtobýstar.

«Oryn alǵan jaǵdaıdyń sebebin avtopark paıdalaný shyǵyndary boıynsha óz shyǵyndaryn jabýǵa qosymsha qarjy suraıtynymen túsindirdi. Buǵan JJM, amortızatsııa, jalaqy jáne basqa da ilespe shyǵyndar kiredi. Bıyl avtoparkterge jolaýshy tasymaldaý marshrýttaryna 950 mln teńge bólindi. Tasymaldaýshylardyń aıtýynsha, olardyń qajettiligi 4 mlrd teńgeni quraıdy, tek №3 avtoparkke ǵana 2,5 mlrd teńge qajet», - dep málimdedi Qaraǵandy oblysynyń Jolaýshylar kóligi jáne avtomobıl joldary basqarmasynyń bólim basshysy Qazbek Maqyshev.

Basqarma ókilderi sondaı-aq avtoparkterdiń qyzmetin sýbsıdııalaýdy jalǵastyrý úshin únemdeý esebinen qarajat tabylǵanyn habarlady.

Sýbsıdııany ulǵaıtý máselesi kelesi jyly qaralady.


Joǵary qaraı