Aýa raıy
Astana 26 °S
Almaty 21 °S
valıýta baǵamy
USD 410.70
EUR 465.28
RUB 5.80
CNY 58.81

Qaraǵandy oblysynda jol apatynan bir adam kóz jumdy

2019 jyldyń 14 qarasha 2019 13:12

QARAǴANDY. QazAqparat – Qaraǵandy oblysynyń Osakarovke kentiniń mańynda jeńil kólik «Gazelmen» soqtyǵysyp, jol apaty saldarynan er adam oqıǵa ornynda kóz jumdy, dep habarlaıdy QazAqparat tilshisi.

Oqıǵa 14 qarasha kúni saǵat 02:40 shamasynda «Nur-Sultan - Qaraǵandy» tasjolynda, Osakarov kentinen 20 shaqyrym jerde bolǵan. Aldyn ala boljam boıynsha, Temirtaý qalasyna baǵyt alǵan 33 jastaǵy «Toıota» avtokóliginiń júrgizýshisi ara qashyqtyqty saqtamaı, sol baǵytta ketip bara jatqan 33 jastaǵy azamat tizgindegen «Gazel» avtokóligimen soqtyǵysqan.

«Jol-kólik oqıǵasy saldarynan «Toıota» avtokóliginiń 39 jastaǵy jolaýshysy oqıǵa ornynda kóz jumsa, 23 jastaǵy jolaýshy ártúrli dene jaraqatymen aýrýhanaǵa jatqyzyldy», - dep málimdedi PD baspasóz qyzmeti.

Atalaǵan fakti boıynsha Qazaqstan Respýblıkasy Qylmystyq Kodeksiniń 345-baby 3-tarmaǵyna sáıkes sotqa deıingi tergeý amaldary bastaldy.

Qaraǵandy oblystyq polıtsııa departamenti kólik júrgizýshilerge jyldamdyqty saqtap, jol júrý erejelerin buzbaýǵa shaqyrady.

Joǵary qaraı