Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jaıylymdardy basqarý qatań baqylaýǵa alynady

2021 jyldyń 4 naýryz 2021 18:11

QARAǴANDY. QazAqparat – Qaraǵandy oblystyq jerdiń paıdalanylýy men qorǵalýyn baqylaý basqarmasynyń basshysy Arman Lıambekov máslıhat depýtattaryna óńirdegi jaıylymdardy basqarý josparyn qatań baqylaýǵa alýdy usyndy, dep habarlaıdy QazAqparat tilshisi.

Aýyl sharýashylyq jerlerin utymdy paıdalaný máselesi ózekti kúıinde qalyp otyr. Aýyl turǵyndaryna jaıylym jetispeıdi.

Memleket basshysy Qasym-Jomart Toqaev bul máseleni sheshýdi tapsyrdy.

Paıdalanylmaıtyn jaıylym jerin qalaı qaıtarýǵa bolady? Nura aýdanyndaǵy kezdesýde osy problema talqylandy.

Keńesti Qaraǵandy oblysy ákiminiń orynbasary Serik Shaıdarov pen jerdi paıdalaný jáne qorǵaý jónindegi bas memlekettik ınspektor Arman Lıambekov ótkizdi.

Beınekonferentsııaǵa aýyldyq okrýg ákimderi qatysty.

Arman Lıambekov Jer kodeksindegi ózgeristerge nazar aýdardy.

«Jergilikti atqarýshy organdarǵa halyqty jaıylymdyq jerlermen qamtamasyz etý boıynsha barlyq quraldar berilgen. Zańnamalyq baza bar, ony paıdalaný kerek. QR Jer kodeksiniń 17 babyna sáıkes aýdandyq máslıhattar jaıylymdardy basqarý jónindegi jospardy ýaqtyly bekitýi qajet. Onyń naqty oryndalýy men depýtattar tarapynan qatań baqylaý máseleni sheshýge yqpal etedi», - dedi ol.

Kezdesýde jaıylym týraly zań da sóz boldy. Ony qalaı tolyq kólemde júzege asyrý kerektigi talqylandy.


Joǵary qaraı